المدعكه للمسابقه احمد الصارم

المدعكه


مدعكه....
والحاجات متأستكه...واللي عنده تكتكه
يفهم معاني الفبركه...اللي قالك مدعكه
كان عايزها محككه...والاسامي مشبكه
واللي قالك مربكه....كان فاكرها متشيكه
وفي النهايه المدعكه
اللي تعبوا من البكا...واللي ياما اشتكي
واللي عنده خستكه...عقله كله هشتكه
راح يشوف المدعكه
البلاوي مفككه...عايزه ربط السكسكه
هم ايه المضحكه...دي الاونطه مسبكه
بحبهان ومستكه...واللي مات م الفرتكه
هو قلب المدعكه
هي يعني معركه...ولا ناس متشككه
يا جتت متكتكه....من جليد المهتكه
احنا جوا المفركه...اللي هي المدعكه
لسه ليه مش مدركه...حابه عشت المعككه
اللي راحوا دول زكا...مش مهم المدعكه
كش خاف م الشكشكه...اوبا ليه متلككه
ماشيه حلو التبركه...يعني ايه متفككه
يعني تبقي لكلكه...انسي كل اللي اتحكا
صوتك انت بكبكا...وتسقط والله المدعكه
امضاء
احمد الصارم