الشاعر عصام قمر رباعيات عصام قمر

شعارهم هترفع راسك هتاخد علي أم راسك
مش الحل إنك تنسي وتسكر من خمر كاسك
بلاش كلمة مش أنا اللي هغير الكون لوحدي
خير أرضك مش هيطلع إلا بعد ضربة فاسك
عجبي !!!

قالولها: مين هيغيرك يابلد؟ قالت: اللي من تبعي
ومين اللي من تبعك ؟ قالت:اللي إرتوي من نبعي
أنا أم الدنيا كلها من يومي ولادة ولولادي الريادة
مش هبكي علي اللي راح واقول ياجملي وياسبعي
عجبي !!!

ولا تكدب يا إعلام علينا وتقول إننا حلوين
ولا تضلم الدنيا حوالينا وتقول الحالة طين
لو تقول ونقول هيفضل حالنا كدة علطول
ومين يولع شمعة أمل لأجيال بعدنا جايين
عجبي !!!

نروح نتفسح نحس إن الناس كلها بتتفسح ويانا
نزور مريض ف مستشفي نقول كل الناس عيانة
الدنيا بقيت زحام في زحام من كتر الآنام حوالينا
جوع مرض معاناة وبالخلفة الفرحة مش سيعانا
عجبي !!!

ــــــــــــــــــــــــــــــــــــــــــــــــــــــــــــــــ
ر باعيات عصام قمر[b][center]

الأخ الفاضل المبدع
عصام قمر
شكرا لك على مشاركتك فى مسابقات
رابطة شعراء العامية المصرية
ونتمنى لك التوفيق بالفوز والتألق المستمر
فلك ارق تحية واجمل الزهور

» رباعيات عصام قمر للمسابقة الكبري
» الشاعر / عصام قمر
» الشاعر عصام قمر غبت عني سنين
» الشاعر عصام قمر الله عليكي يامصر
» الشاعر عصام قمر الحب ده مركب كبير