الشاعر عصام قمر بقوله ياحبيبي مالك

بقوله ياحبيبي مالك

يقولي متشغلشي بالك

لو منشغلشي بالي عليه

أشغل بس بالي بأيه

سألته طب زعلان مني؟

بردو مردش عليا

وسابني للحيرة تقتلني

وللأفكار تلعب بيا

ياتري حبيبي زعلان ليه

ولا أنا بس غلط ف أيه

ميكونش بيلعب بيه وسواس

أو حد قاله حاجة م الناس

أو حد شككه في هوايا

أو حد قاله إقسي عليه

وكل م قوله ياحبيبي مالك

يقولي ما تشغلشي بالك

أمال أشغل بالي بأيه

لو منشغلش بالي عليه

قولولي أعمل أيه يرضيه

قلبي حبه وليه يشقيه

قلبي وعده بفرحة كبيرة

يقوم هو يقسي عليه

وكل م قوله ياحبيبي مالك

يقولي ما تشغلشي بالك

أمال أشغل بالي بأيه

لو منشغلش بال عليه

لو يصارحني باللي جواه

لو يشتكي ويقول الآه

أعرف بس أيه حيره

وأشوف مين اللي غيره

دانا قلبي والله بيقدره

وميستهلش يقسي عليه

وكل م قوله ياحبيبي مالك

يقولي ما تشغلشي بالك

أمال أشغل بالي بأيه

لو منشغلش بال عليه

*******
عصام قمر
[b][center]

الأخ الفاضل المبدع
عصام قمر
شكرا لك على مشاركتك فى مسابقات
رابطة شعراء العامية المصرية
ونتمنى لك التوفيق بالفوز والتألق المستمر
فلك ارق تحية واجمل الزهور

» الشاعر عصام قمر رباعيات عصام قمر
» الشاعر / عصام قمر
» الشاعر عصام قمر غبت عني سنين
» الشاعر عصام قمر اللي أنا بحبه وبهواه
» الشاعر عصام قمر ياخويا في الإنسانية وياأختي