الشاعر / هانى يوسف - للإشتراك فى المسابقة

حادى بادى
حادى بادى .. مين البادى ....
قسوة قلبك ولاَّ عـــــــنادى ...
طول العمر عليكى بانادى ...
لمَّا لقيتـــــــك ما سمعتيش ...
ولقيت أرضك ما سعتنيش ...
نبِّت جرحك فيَّا الريــــــش ...
طرت لوادى .. غير الوادى ...
حادى بادى .. مين البادى ....
***************
غربة خدتنى ف ألف سبيــــل ...
أقضى العمر رحيل ف رحيل ...
وانتى التــــوهة .. وانتى دليل ...
وامَّا القلب يعود ويحــــــــــنّْْ ...
ألقى الجرح دموعه تئــــــــنّْ ...
والقى عينيــــــكى عليَّا تضنّْ ...
حتى بنظرة تكـــــون زوَّادى ...
حادى بادى .. مين البادى ....
***************
آه يا سحابة ما بتمطَّـــــــرش ...
شايلة لغيرى التاج والعرش ...
وانا مش قادر ما اتغيَّرش ...
وانتى قساوتك إيد بتشــــدّْ ...
من جوَّايا الشـــــوق والودّْ ...
وافتح باب ألاقيها تســـــــدّْ ...
وترجَّعنى لحضن بعــــادى ...
]كلمات : هانى يوسف

.

الأخ الفاضل المبدع
هانى يوسف
شكرا لك على مشاركتك فى مسابقات
رابطة شعراء العامية المصرية
ونتمنى لك التوفيق بالفوز والتألق المستمر
فلك ارق تحية واجمل الزهور

أستاذنا الشاعر الكبير الأستاذ / محمد فتحى
خالص شكرى وتقديرى لمرورك الكريم .. وخالص الشكر والعرفان لما تبذلونه من عظيم الجهد ... تمنياتى بالمزيد من الرقى والتألق ...

هانى يوسف

» الشاعر / هانى يوسف - للإشتراك فى المسابقة
» - الشاعر (هانى يوسف) - الاشتراك فى المسابقة
» - الشاعر (هانى يوسف) - الاشتراك فى المسابقة
» عمري ما هنسى - الشاعر علاء أبوذكري ( للإشتراك في مسابقة الشعر الغنائي ) المسابقة الكبري
» قصيدة " بورتريه " ... للإشتراك فى المسابقة ...