قصيدة ( دموع الكـــَرَزْ ).. للإشتراك فى المسابقه

[size=24]
دايره سواقى العطب
حدوته و التانيه
نفس السيناريو إتكتب
والدور على سوريا

قصه وليها العجب
وسط الحوارى ف حلب
جايبه الطاعون والسَغبْ
فاطر ف شهر الصوم
صايم ده بسْ ف رجب

تـتـار بيمْــلّوا الدار
والخـونه مع بَشـَّار
َسَنـُوا سنون العار
جمره ف قلبى ونار
يرضيك كده يا حسين!!

كرسيه من الالماظ
منقوش بمية دهــب
مايعجبوش العـجب
زيدوا كمان فصين!!!

مغول بسـرعة برق
وعايزها مــن غير خلق
سرقوا ف غمـضة عين
أخ وأخوه الاتنين
ولـَمـــََّـا أُمـُــه تـِـئــِّــِن
تلاقى دمـــع العين
مصبوغ بلـون الكرز
تسأل عــن الغايبين
طفل وجنين إتـــفرز
حسبوه مـن الخاينين

دمى يا أ ُمــََّــه إتحـــلب
شرفى يابويـــا إتسلب
والعـــار مابين أسدين

قصـــة شـــهيد ف المهد
عايز يصــلى الوِرد
سِبْحـــــَــة ف ايديه تتمد
وقال السـلام بالود
ردوا الســلام بالوأّد
وجَدلوا مِنــها العُقد
مِــســّــــكـُـه ف روح الورد
أبشر..... معـــايا الرد
خِـــسـّه ف كلام...عن جــد
صايم يا عـــربى بجد
إمســح دمــــوع الكرز
وإفطر بقمـــــر الديـــن
وتدور سواقى العطب
بكره تدور على مين....؟؟؟

الشاعر الجميل وائل حسين سيد عمر
وشهرته وائل عمر
شكرا لك على مشاركتك فى مسابقات
رابطة شعراء العامية المصرية
ونتمنى لك التوفيق بالفوز
فلك محبتنا واجمل الزهور

الأخ الفاضل المبدع
وائل عمر
شكرا لك على مشاركتك فى مسابقات
رابطة شعراء العامية المصرية
ونتمنى لك التوفيق بالفوز والتألق المستمر
فلك ارق تحية واجمل الزهور

» قصيدة (كوز بطاطا ) للإشتراك فى المسابقه
» ببساطه ومن غير تعقيد ( للإشتراك في المسابقه الكبري )
» قصيدة " بورتريه " ... للإشتراك فى المسابقة ...
» قصيدة (وتر مِتــــهان) للإشتراك فى المسابقة
» قصيدة( دموع الحزن) للشاعر محمد عبد العزيز عطا