قصيدة ..انا اللي كرهت حراسك(الشاعر... عامر عبدالسلام ) للمشاركه في المسابقه

لاموني الناس علي حبك

وقالوا تحبهاش تاني

وسالوا انا خدت ايه منك

كتمت ف قلبي احزاني

لكني جاوبت قلتلهم ... وقلتلك

انا العاشق تراب ارضك

وانا اللي غسلت يديني

من جوه نيل نيلك

انا اللي عطشت في الصحرا

فشربتيني من بيرك

انا العاشق ..انا العاشق

انا السهران ف ليل عشقك

انا السامع ادان الــفـــجر

وسارح في تــراتــيـلك

انا الهايم ف صوت المبتهل لما

...بينشد في اناشيدك

وانا التايه مابين ناسك

عشقتك والفؤاد فيكي

صبح .... نــــاســــــك

هويتك لما تيجي تدقي

اجـــــراســــك

واشوف الناس علي بابك

بتدخل جوه ..قــــداســــك

عشقتك جيش مع شرطه

وكرهتيني ف السلطه

انا منك ومن ناسك

عشقت انا كل دول فيكي

لكني كرهت حــــــراســـــك

انــــــا حـــــــــورس
انــــــا حــــــــــابــي

وانا اللي القلب بيحبك

من وقت كان حــــابـــي .........طفل

انا المــــــســــــلم ...........

وعمري ماكنت ارهابي

انا اللي الظلم وصلني هنا لاحباط

انا اللي رسولي وصاني علي الاقباط

انا المسلم .. وعندينا المواطنه اساس

حاميكي كان حراميكي

ينادي بوحده وطنيه

ويرجع يضرب ال قــــداس

انا اللي تعبت من حبك ومن عشقك

تعبني بعد مشوارك

طردتيني من الجنه

لقيتني راضي انا بنارك

انا اتبهدلت واتعذبت

تحت الشمس ف نهارك

انا الليبرالي ويساري

وادايق بطش سجانك

انا اللحيه اللي ياما زمان

صدت ظلم فجارك

انا العاشق ..انا العاشق

اناالعاشق ولاكنتش ف يوم معشوق

ولاكنتش ف يوم معشوق انا منك

انا اللي وهبتلك دمي

ف عز ماشربوا من دمك

برغم القسوه دي منك

ولسه القلب بيحبك

بعدتي عني 100 مره

وانا جيتلك .. وحنيتلك

وقولتلك ولايهمك ..مانا ليكي وانا منك

وغصب عني احنلك ..

السلام عليكم ورحمة الله وبركاته
مرحبا بك (الشاعر/ عامر عبدالسلام ) فى منتديات رابطة
شعراء العامية المصرية
نشكرك على انضمامك لهذا الصرح الراقى بالمبدعين امثالك
ونصك الان داخل المسابقة
ولاتعليق على النصوص المشاركة فى اى مسابقة
الا بعد انتهاء الموعد المحدد لتلك المسابقة
فلك التحية واجمل الورود

[b]

شكرا لك شاعرنا الجميل عامر عبد السلام
لمشاركتك فى مسابقات رابطة شعراء العامية المصرية
ونتمنى لك التوفيق بالفوز
والتواصل المستمر معنا عبر هذا المنتدى
خالص شكرى وتقديرى

شكرا لك نجمنا الجميل
( الشاعر عامر عبد السلام)
لمشاركتك فى مسابقاتنا الحالية
مسابقات رابطة شعراء العامية المصرية
ونتمنى لك التوفيق بالفوز والتألق المستمر
فلك محبتنا واسمى التقدير
[b]

» قصيدة "تحية العلم " للمشاركه فى المسابقه الكبرى
» واوات وطنا للمشاركه فى المسابقه الكبرى
» بيت النمل للمشاركه في المسابقه احمد الصارم
» رباعيات الشاعرعبدالتواب محمد مجاهد للمشاركه فى المسابقه
» اغنيه ازاي بس احمد الصارم للمشاركه في المسابقه