الشاعر عصام قمر اللي أنا بحبه وبهواه

اللي انا بحبه وبهواه
الله علي جماله الله
مفيش حد ف يوم شافه
إلا وقال سبحان الله
*****************
من كل جميل أخد حسنه
ورد مفتح علي غصنه
من كتر حبي وهيامي بيه
ليل ونهار بقول إسمه
*****************
حروف إسمه كلها نغم
لمسة إيده تشفي الألم
بشتاق إليه وانا حتي معاه
وحياتي من غيره عدم
*****************
الله علي إبتسامته الله
كل الوجود بيضحك وياه
الورد الدبلان في إديه
يفتح وترجعله الحياه
****************
لو غاب عني لحظة اتجنن
والدنيا تقولي الله يحنن
لو يزعل مني بسرعة أراضيه
وف صلحه أبدع وأتفنن
******************
كلمات عصام قمر