الشاعر عصام قمر الله عليكي يامصر

الله عليكي يامصر
والله علي حب ولادك
بتهون الروح عليهم
لو حد مس ترابك
ساكنة جوة قلوبهم
وكلهم أحبابك
*****
صحيح مشوارك صعب
وشربتي مر كاسك
لكن جيشك والشعب
ناويين يرفعوا راسك
وتعلي بين الأمم
برجال أصحاب همم
لو يوم ناديتي عليهم
هتلاقيهم علي بابك
الله عليكي يامصر
والله علي حب ولادك
*****
إطمني ياغالية
مفيش للخلف رجوع
ولادك ياأم الدنيا
مسلم ومسيحي دروع
مع أجراس كنايسهم
وحي ع الفلاح
بتتوحد صفوفهم
ويقوموا للكفاح
ويقفوا ف خندق واحد
يدافعوا عن كيانك
الله عليكي يامصر
والله علي حب ولادك
*****
كلمات عصام قمر
[b][center]

شكرا لك نجمنا الجميل
( الشاعر عصام قمر)
لمشاركتك فى مسابقاتنا الحالية
مسابقات رابطة شعراء العامية المصرية
ونتمنى لك التوفيق بالفوز والتألق المستمر
فلك محبتنا واسمى التقدير

[b]