البحر والليل..

البحر والليل ،،
والشموع،، نجمات
بتلملم الشط اللي متشوق ،
للنسيم ،، حبات
تحيي بوار والخضار ،،
سنابل بالأمل ،، جيات
طارح نهار ،، والعمار
م النيل لحضن الفرات
والموج سبيل ،،
والسلسبيل نهري !!
زرع الورود والوعود ،،
كلمة تصحي الوجود
يرسمها موج الشط ميت عنوة،،
ما ليها حدود
النور يفوت ،،
والعنكبوت راحل !!
الضي قوت
للحلم لو كاحل !!
دربي ،، بيوت !!
لو الطريق واحل !!

البحر ……يــــــــــاه..!!
م البحر وظنونه
عاشقه معاه الحياة
مشتاقة لجنونه
صابر علي بلواه
لو موجه ح يخونه
البحر ……يــــــــــاه..!!
م البحر ورياحه …!!
داب النسيم ف هواه
عِشق الندى جراحه !!
البحر و أنت وأنا
والليل….. بلا مرسى !!
وشمسي لو تنطفي
قلبي ما راح يأسي
ح يعاود المشوار
يمكن ف يوم يرسى ؟!!

البحر ……يــــــــــاه..!!
م البحر لو غادر …!!
أخاف أنا قسوته
لو حلمي ح يصادر !!
الليل يعشش ف قلب التوهة
والحلم ح يسلم ….!!
لما النهار يصبح ،،
ما هوش قادر …!!
تدبل دموع الندى
تنطق بصمت وخوف
يا بحر ليه قسوتك ؟!!
تطرح غضب هادر؟!

البحر والليل والنجوم
وأنت وأنا ……دايرة
والشط مش باين
والمركبة حايرة !!!
لملم شراع الهوى
يا حلم نزلني ؟!!
قبلن يموت الأمل
واصبح أنا الجايرة !!!
واصبح أنا الجايرة !!!

» عاشق البحر
» حياء البحر . د . عزة محمود على حسن
» حياء البحر . د . عزة محمود على حسن
» لا يمكنك عبور البحر
» النوّنوّة .......... ....... أشرف البنا ..... البحر الأحمر