قصيدة .......( بنت الاسمرانى ) للشاعر / خالد عبد الحميد للاشتراك فى المسابقة

فاكرانى يا مصر ولا نسيانى
شريانى بالغالى ولا بيعانى
شريانى فيكى اتقطع
سايح ميادينى
انا اللى عمرى اتسرق فيكى
واللص ماشى فى البلد عالى
جوايا باتعالى
وانتى ذلانى
لو كان دلالك دهب
يرخص علا شانى
انا اللى فيك اتسرق
انا اللى فيك اتحرق
انا اللى بعت الدهب
لاجل الرغيف القاه
واسكن بين الاموات
لساكى ف العالى
عيشه بين السريات
ياللى الجبين انكوى
والظهر محنى تقيل
خفت موازينى
كترت ميادينى
لاجل المزان يتعدل
وعشان عيونك
دهب ضحيت انا بعينى
فاكرانى يوم ما اتقتل
جوايا الف شهيد
فاكرة الشهيد سليمان ؟؟؟؟؟
فاكرة كمان بطران؟؟؟؟
انا كنت نيلك
كنت قصرك
كنت زرعك
كنت واقف ع الحدود
وانت سهرانة
بترمى للعاشقين من ورودك
فاكرانى يوم ما اتقتل
ابنى الشهيد ؟؟؟؟
فاكرانى يوم ما جانى فى الكفن جدى
كان بيزرعلك عطور
كان بيزرعلك قصور
وانتى سيدة العصور
تتغندرى ... بدر البدور
بس يا خسارة
جدى مات بالبلهارسيا
جدى ماورثى القصور
وابنى ساكن فى القبور
***************
كنت شيفك جوى نفسى
بنت حلوة بجلبية
بنت سهرانة فى مشربية
ست سكرانة فى مسرحية
المغربية فى حى زينهم
........ والحسين
جوى حارة وجوى شارع
بنت تايهة فى تمثلية
كنت شايفك أحلى غية
انتى شوقى وانتى عايدة
انتى غادة وانتى نادية
انتى بنت الاسمرانى
يا للى شمسك شمس صافية
.........اسكندرانى
*****************
كنت حطابك ونارك
يوم ماقالوا الثورة قامت
شلت قشك جوى عشك
ياللى عشقك من البداية
........ ... للنهاية
جندى سهران بالبيادة
مستنى أمر الطلق يبدأ
مستنى فجر العدل يأذن
كان صداع الظلم سارح

.........................

» قصيدة (شاهد زور) للاشتراك في المسابقة
» قصيدة بحبك ............. للاشتراك فى المسابقة الكبرى
» قصيدة (آخر سطور الملحمة) للاشتراك في المسابقة
» قصيدة (حكاية زمان ) للاشتراك فى المسابقة
» قصيدة (قوللي انت مين ) للاشتراك في المسابقة الكبري للمربعات