قصيده الهويه مشاركتى فى مسابقه العاميه ...احمد الحلى

قصيده الهويه
مشاركتى فى مسابقه العاميه
احمد الحلى
_______________

الهويه

او بطاقتى ال مش عاديه

فيها تلقانى بكيانى بالحروف الأبجديه

كل حرف شال وعبى

م المرار م المحبه

كنت عارف حبه حبه

انى عايش مش هفيه

كل حرف وله حكايه

عايشه جوايا ...فيا

كنت بكبر كل ماده

والحروف تكتر زياده

اما اشوفها فى الأعاده

التقيها هي ...هى

....... الهويه

حرف منى شال جراحه

لما عتم نور صباحه

بص ع الفجر الحنين

شاف دموعه ع اللى راحوا

شد ترحاله اللى تايه

يلتقيله فى ارض تانيه

فجر بيعيش انشراحه

.....الهويه

حرف منى فط ثاير

لف بين كل الدواير

داخ وطب ف ثانيه ساكت

اصله ماتعلمش يصرخ بالسكات

فاكر انه لوحده فارس

انه حق وغيره باطل

بس لما اللحيه بانت

جات ايدين بتبغدده

وتهدهده وتودوده

واما فاق من حلمه كانت

اى حاجه بتخمده

...الهويه

حرف تالت منى خايف

ضعفه متشكل شفايف

نفسه يغطس جوا حلمه

بس خايف م اللى شايف

كل ساعه يزيد جنونه

لما تتحكم عيونه

فى اللى مش قادر اعبر

عن حركته وعن سكونه

....الهويه

حرف جوايا التقيته

صدق يمكن ...

كدب يمكن

بس فى عروقى اشتهيته

زى عصفور التمنى

لما يبنى بقشه بيته

حرف متمنى الحقيقه

زى استيكه رصاص

حرف متمنى السعاده

قبل ما يحين الخلاص

حرف لسه فى قلبه كلمه

لسه فى كلمه ؟

..............خلاص
احمد الحلى
________________
المشاركة فى المسابقة عبر منتديات الريهام
هنا http://www.elreham.com/vb/showthread.php?t=1735
[center]

شكرا لك اخى الكريم على مشاركتك الراقية فى مسابقاتنا
ونتمنى لك التوفيق فى الفوز
فلك محبتنا واجمل الورود

» الشاعر /ياسين (قصيده/ سياده الفريق )للمشاركه بمسابقه العاميه
» عنقود ندى . شعر احمد الحلى
» من ابداعات احمد الحلى
» رباعيات الشاعر احمد الحلى فى المسابقة
» من رباعيات الشاعر احمد الحلى ( مخنوق قوى )