الشاعر محمود عطية ( أنا م الناس ال تحت )

الشاعر محمود عطية
( أنا م الناس ال تحت )
_________________

أنا م الناس ال تحت
ف الصخر شبعت فحت
من حر الشمس سحت
راضى وخلاص ارتحت
ما انا م الناس ال تحت
----------------------
الايد مليانه شقوق
عمرى ما ابص لفوق
ولا احقد على مخلوق
وكلامى دايما ذوق
لو حتى انجرحت
انا م الناس ال تحت
------------------------
طول عمرى غدايا عشايا
والستر ده كل منايا
البسمه دى ويايا
معايا مش معايا
عمرى مره ما جعت
انا م الناس ال تحت
--------------------
الرضا اهم سماتى
والصبر من علاماتى
وبخبى تملى اهاتى
وبدعى ربى ليلاتى
يكفينا شر السحت
انا م الناس ال تحت
_______________
محمود عطية
_______________
شارك بهذا النص فى المسابقة عبر موقعنا
فى منتديات الريهام هنا http://www.elreham.com/vb/showthread.php?t=1676[center]

جميل لك الف تحية

الله عليك ( وبدعى ربى ليلاتى ... يكفينا شر السحت ) آمين يارب

شكرا لك شاعرنا الجميل محمود عطية
لمشاركتك فى مسابقات رابطة شعراء العامية المصرية
ونتمنى لك التوفيق بالفوز
والتواصل المستمر معنا عبر هذا المنتدى
خالص شكرى وتقديرى

» الشاعر محمود عطية ( يالى انت غاوى الفتن )
» الشاعر ( مدحت عطية ) الاشتراك فى المسابقة
» قوم .. ثور ( الشاعر مدحت عطية )
» صرخه فى حجر ( الشاعر مدحت عطية )
» الشاعر ( محمود مرعى )