الشاعر محمود عطية ( يالى انت غاوى الفتن )

يالى انت غاوى الفتن***مروج الاشاعات
ترقص على ده الهوا***بالرق والصاجات
كل كلامك كده***مقرف كله افات
عهد النفاق انتهى***ولى وعدا وفات
وكتبنا لكلهم***شهادة وفيات
والظلم ال اتولد***ف عهدهم ده مات
-------------------------
صحينا على شمسنا***جميله منوره
وزرعه فى ارضنا***وقلوب مخضره
وعود ريحان وفل***وولاد متحضره
اعلام ف ايد الكل***وصبايا متغندره
على راسها تاج م التل**بدون بويا وسنفره
القلب ده واحد***ورفعوا الرايات
يالى انت غاوى الفتن ***مروج الاشاعات
---------------------------
مصر طول عمرها***منبع الاديان
وخدانا فى حضنها***مسلم مسيحى ان كان
واحنا بنضمها***بالعلم والايمان
وال يقرب لها***يبقى الغضب بركان
وننسى اه نفسنا***وحبنا للذات
يالى انت غاوى الفتن***مروج الاشاعات
________________
شارك بالنص الأصلى من خلال موقعنا فى
منتديات الريهام على هذا الرابط ادناه
http://www.elreham.com/vb/showthread.php?p=6437#post6437
[b]

» الشاعر محمود عطية ( أنا م الناس ال تحت )
» فعلك هانك ( الشاعر مدحت عطية )
» قوم .. ثور ( الشاعر مدحت عطية )
» صرخه فى حجر ( الشاعر مدحت عطية )
» الشاعر ( محمود مرعى )