الشاعر /ياسين (قصيده/ سياده الفريق )للمشاركه بمسابقه العاميه

سياده الفريق/ احمد شفيق اسفين يا فندم سيادتك برىء
وتستهل انك تكون الرئيس وتخرج مبارك علشان يبقى بيس
سيادتك يارئيس بلدنا الجديد ملكش يد فى موت الشهيد
ولاحتا تعرف مين اللى بوظ عيون عبد الحميد
بجد انت جنتل بتلبس بروفل وتحته قميص
خلاص احنا شعبك وانت الرئيس
مبارك عليك حكم البلد ويلا شعارنا تحيا الجهاد
وتقدر تموت كام من العبد يوماتى ياعم وتبقى الرئيس
أمانه عليك تخرج جمال ده طيب برىء وابن حلل
وتديه مكفاءه علشان كان حمينا هو واخوه وامه الامينه
اما مبارك ده عم الجميع ياريتك تخلى طره ليه ربيع
ده ياما خدمنى يقولى تبيع يرد مكانى يقولى ابيع
دا بيعنى ارضى وشرفى وعرضى
بجد انت ذوق ولقطه ومان وياه لو تفك البرلمان
وتفتح السجن تانى ياعم بجد زهقنا من الاخوان
ااقولك ايه رئيك ترجع نظيف ده برضو حلو ولقطه وظريف
بجد سعيد انا ومسرور وياااه نسيتو اونكل سرور
ديبقى نائب ودى ديمقرطيه وتبقى رئيس وتلغى القضيه
وياه لو تسامح اونكل حبيب علشان يبقى تيم اصله لعيب
ده يما لعبنا فى كل الكماين وحتا الحوارى وجو المداين
وعلشان تبقى ضامن ان احنا شعبك الاول والاخير
تقفل مداخل ويا مخارج ميدان التحرير
وتكتب عليه بخط كبير ممنوع الاقتراب او التصوير
ده مدفن صدقه للى نفسو فى تغير
وده يبقى اخر برامج سيادتك
ونبقى عبيد ونخدم سعادتك
ما ده اصله هو حئك علينا
ياشيخ يكفى انك مطلع عنينه
كلماتى/ياسين

» قصيدة "القزينه" للمشاركه فى مسابقة شعر العاميه
» قصيده الهويه مشاركتى فى مسابقه العاميه ...احمد الحلى
» قصيدة ..انا اللي كرهت حراسك(الشاعر... عامر عبدالسلام ) للمشاركه في المسابقه
» فــــــــــــــــــــــــــلاح.............خاص بمسابقة شعراء العاميه المصريه
» إعدام قلب كلمات الشاعر محمد فتحى السيد قراءة تحليلية الشاعر خالد عز الدين