الشاعر / عصام قمر

مصر الثورة حرة أبية
قبلة الأمة العربية
شعبها ثار ولا أجدع شعب
وجيشها حماه واتحدي الصعب
ادعوا معايا وقولوا يارب
إحمي بلدنا وتبقي عفية

*****
ف التحرير الشعب اتجمع
هتفوا الظالم لازم يخلع
صوت زلزال يهز جبال
صم ودان مكنتش بتسمع

*****
عاني الشعب وعاش ف جراح
علي أمل انه ف يوم يرتاح
غر الظالم صبره عليه
لحد فجر الثورة م لاح

*****
اصحي يامصري شعب وجيش
فيه ناس مش عايزينا نعيش
بيعرضونا للفتن ويدخلونا ف المحن
لاجل م نرجع نلبس خيش

*****
دق ياجرس الكنيسة واعلي ياصوت الأذان
قولوا للعالم كله من زمان أهل وجيران
بالحب هنحمي مصر الغالية
ونعيش سوا علطول ف أمان
**********

» الشاعر عصام قمر رباعيات عصام قمر
» الشاعر عصام قمر غبت عني سنين
» الشاعر عصام قمر اللي أنا بحبه وبهواه
» الشاعر عصام قمر ياخويا في الإنسانية وياأختي
» الشاعر عصام قمر بقوله ياحبيبي مالك