طول الليل / وياأحلي البنات / يامصر ياحتة مني / للشاعرة / نجوي أبو ليلة

[color=blue]

hite]طـــــول الليـــــــــل

طول الليل سهرانه بافكر طول الليل
ودموعي علي خدي بتكتر زي السيل
طول الليل وبافكر فيك
قلبي يدق ينادي عليك
انت نسيتني وقلبي شاريك
خليت عقلي يشوف الويل
طول الليل طول الليل
*****
ماتسبنيش مشغوله حيرانه
ليل ونهار دايما سهرانه
زعلان مني تعال عاتبني
او تحاسبني لو غلطانه
طول الليل وبافكر فيك
قلبي يدق ينادي عليك.
انت نسيتني وقلبي شاريك
خليت عقلي يشوف الويل
طول الليل طول الليل
*****
انت باعد عني ليه
حد تاني انشغلت بيه
راح فين كلامك راح فين حنانك
راح الغرام اللي أنا عشت بيه
لو نسيت أنا لسه فاكره
وعمري يوم حبك ماهنسا
ابقي نايمه والا صاحيه
يفضل عقلي معاك يهواك
طول الليل
طول الليل
*****
كلمات الشاعرة / نجوي أبو ليلة

------------------------------------------------------------------

....ياأحلي البنات ....
---------------------

ياأحلي البنات دمك شربات
كلك حكايات تعملي حركات
حركاتها تجنن وكلامها يجنن
شقاوتها تجنن قلبي الفرحان
فرحان قوي بيها ربي يخليها
وبفكر فيها طول مانا سهران
ياأحلي البنات دمك شربات
كلك حكايات تعملي حركات
*****
مبسوط بجمالها وبموت في دلالها
تايه في حنانها كلتها غرام
لفيت حواليها ومسكت اديها
سحرتني عنيها باأحلي كلام
كله رومانسيه مليان حنيا
واديها في اديا وأحلي غرام
ياأحلي البنات دمك شربات
كلك حكايات تعملي حركات
*****
فرحانه قوي بيا ماسكه في اديا
وبتسرح فيا وفي حضني تنام
نظرتها قويه كلها حنيا
مليالي عنيا حنين وغرام
روحي تغطيها قلبي يدفيها
تسقيني وأسقيها أمان وحنان
ياأحلي البنات دمك شربات
كلك حكايات تعملي حركات
*****

للشاعرة / نجوي أبو ليلة

--------------------------------------------------------------------

...يامصر ياحته مني...
-----------------------
يا مصر ياحتة مني
ياأغلي من روحي ودمي
يا مصر الله عليكي
بدعي ربي يخليكي
ويخلي ولادك ليكي
وأعيش وأموت فيكي
*****
يا مصر ياست الكل.
نورك نور عالكل
بمنارتك وبعظمتك
بولا دك ياست الكل
يا مصر ياأغلي شئ لينا
بدعي ربي يخليكي لينا
وتكبري وتنوري
.بإدين ولادك تتعمري
يا مصر الله عليكي
بدعي ربي يخليكي
ويخلي ولادك ليكي
وأعيش وأموت فيكي
****
يا مصر يا غليا علينا
بدعي يحميكي لينا
يا مصر يا بلد النيل والحضاره
يابلد رجال الدين والكرامه
يا رب احميها صونها وخليها
أجمل بلد في الكون
علي قد ما عشنا فيكي
نصون ونوفي فيكي
يا مصر الله عليكي
بدعي ربي يخليكي
ويخلي ولادك ليكي
وأعيش وأموت فيكي
****
اغنيه يامصر ياحته منى
كلمات الشاعره / نجوي أبو ليله
-----------------------------------------------------------------------------
أتمني أن انال حب الجميع
مع مودتي

» أنا المصرى . للشاعرة نجاة عبد الحليم
» اول جائزة من مصر للشاعرة منال درويش
» الله عليك يامصر
» بنات الليل من الديوان الثالث عشانك
» خايف يامصر