موال ......يا عم .....أيمن عبدالعال سلامه

............... الموال الأول.........
ياعم يا ظالم وفى الظلم لك حكايات
فرعون فسد فيها وفى لحظه غرق مات
أجلك فى يوم ينقضى والموت حتما" أت
أت" بلا تأجيل ولكل أجل كتاب
تعرف ساعتها ذنوبك لكل ذره حساب
والظلم يافاجر ساعة الحساب ظلمات
.............ا لموال الثانى.................
ياعم يا اللى طبعك دايما" غريب شكاك
والناس حداك خاينين وإنت اللى بس ملاك
الله يصبّر مراتك ويعينها ع اللى بلاك
عدد عليها النفس فى الطلعه والداخلا
وعمر بالها فى يوم ما يروق ولا يحلا
عايشه معاك ياعم فى ظلم نكد وهلاك


........الموال الثالث.................
إوعاك تماشى مره واحد لئيم فى طريق
لا هو اللى يبقا ونيس ولا هو اللى يبقا صديق
دا ياكل عيشك وملحك ويرمى عليك تلافيق
تلافيق تخلى حياتك سهد وضنا وعذاب
وتعيش بفعل مكايده وحيد بلا أحباب
هو اللئيم يا عم حد بيخده رفيق
الموال الرابع
ياعم إحفظ لسانك من كل لفظ قبيح
الشخص اللى متربى دايما" بيبقا مريح
واعرف ياعم إنه ما يصح غير الصحيح
والصح إنك تكون بتحب كل الناس
وتبنى علاقتك بيهم ع الود والإحساس
وعمر الدهب ياعم ما يبقا صاج وصفيح

تم التقييم من قبل لجنة التحكيم
وارسلت النتائج لرئيس اللجنة