رباعيات/ أيمن عبدالعال سلامه

رباعيه 1
مهما سهرت رسمت شكيت
مهما حاولت وحتى بكيت
مش راح تقدر تبنى يا صاحبى
فوق الجسر المايل بيت
......................................
رباعية رقم2
بسأل سؤال وبقول لماذا؟
ضاع م الحياه طعم اللذاذا
ربما يكون الحب مات
والسبب يكمن فى هذا
.............................................
رباعية رقم 3
ياعم يااللى إبنك من المدارس هارب
هو أنت عايزه زيك م الجهل يطلع شارب
الدنيا بحر ياعم والعلم فيها غالب
تحب تركب سفينة واللا تُذُق فى قارب
...................................................................
رباعية رقم 4
قولها جريئة ما تختشيش
لمن يهين لمصر جيش
من غير شاويش يا غبى
الوطن يصبح ما فيش
.............................................

رباعيات رائعة 1و2و4
اما رقم 3 فهى موال رباعى بغدادى
لأتها مكونة من اربع شطرات متحدة القافية
فشكرا لك والله الموفق
تم التقييم من قبل لجنة التحكيم