رباعيات محمد عبد الرازق

(1)

يا حلم طاير فى الفضا من غير جناح
ينفع تخلى دنيتى من غير جراح
و تفتفت الحزن اللى متصلب عنيد
بفرحة تملا كل دنيتنا سماح

(2)

ساعة عصارى و ناس كتيرة مقيللين
شاربين مرارة الشقا و هلكانين
و أفكار كتير متمرجحة بين عقلهم
و قلب لولا الصبر فيه كان مات حزين

(3)

تايه فى درب الغنا و صاحبت حزن الناى
كل الأمل و المنى ألقى صديق غنّاى
يغزل بعوده الفرح برنة صادقة فى وتر
ترعش شعاع اختفى من فترة هج غُناى

(4)

ألف وعد و ضحكة زايفة بين بساتين الحياة
قطفة حلوة و قطفة مرة و قطفة من غير اتجاه
دايرة حايرة و عاملة زحمة بين فرح و حنين و اه
كل ده فى قعدة منجم و القدر سر الاله


العبد الفقير لله
محمد عبد الرازق