النهضة مشروع الحياة / محمود جمعة

٨٨٨٨٨٨٨٨٨٨٨٨٨٨٨٨

موسم ياعالم لأنتخاب
موسم وأعجب م العجب
مابين رزين عاقل صريح
يوزن بميزان الدهب
وبين سفيه عامل نبيه
ميقولش غير قلة أدب
وبين جهول الفيلسوف
في الجهل بيألف كتب
وبين خبيث عامل شريف
يصنع لخبثه ميت سبب
ومسليمة الوطني العفيف
م الكدب علي ضهره أتقلب
والناس ف أعلامنا النضيف
كفرت بكل اللي أنكتب
والله موسم لأنتخاب
حيقول كلام ليه العجب
وحيعدل الكف اللي مال
ويعلم ( الفل) الادب
ويقول لكل الاراجوزات
النهضة حلمي اللي أقترب
النهضة مشروع الحياة
بأرادة الشعب أنكتب
ايدك ف ايدي الفجر بان
والعند فيك عز الطلب
الساقية دارت للأمام
وكفاية بقي حزب الكنب
حيفيد بأيه هذا الجنان
احلامكو منكو بتتسحب
الثورة محتاجة الامان
تحضن شبابها وتنتخب
وتقول لفاسد او جبان
( تبت يدا أبي لهب )
( تبت يدا أبي لهب )