الزجال فارس القرشي ليه بعتني !!!!!!!

ليه بعتني ؟
ليه بعتني .. وهجرتني
ورجعت لما أحتجتني
لما أنكسر قلبك
لما أنتهي حبك
راجع تقول إنك
بتحبني ؟ بتحبني ! .. طب ليه يا ظالم بعتني

أنا قلبي مش ناسي الدموع
أنا عقلي رافض للخضوع
إزاي بتحلم بالرجوع
وبكل قسوه خنتني
بتحبني ؟ بتحبني ! .. طب ليه يا ظالم بعتني

إبدأ حياتك من جديد
هتكون حزين !! هتكون سعيد
ما يهمنيش .. قلبي عنيد
أبنيك أنا .. وتهدني
بتحبني ؟ بتحبني ! .. طب ليه يا ظالم بعتني

أكيد هلاقي فرصتي
من تاني وأبدأ دنيتي
لشفايفي ترجع بسمتي
أبعد وسبني ف سكتي
حبك ماعادشي يهمني
حبك ماعادشي يهمني !!
حبك ماعادشي يهمني !!