لموا دموع الخد ( الشاعر مدحت عطية )

لموا دموع الخد

لموا دموع الخد
ماعدش الحزن
يروينى
ما بقتش الاه تريح
ولا قولها .. يداوينى

إقفلوا ببان السد
ولموا دموع عينى
هبكى .. ومهما أبكى
ليلى على جبينى

سور النهار أنهد
والليل طل يوارينى
يملى بياض العين
والعتمه .. تطوينى

والخطوة
يادوب .. تخطينى
والضحكة إن جت
تبكينى

ياه .. على الأحزان
لما .. تنادينى
تاخد .. من فرحى
ومن الهم .. تدينى

وياه .. على الألحان
لما تعادينى
وتوصف الأيام
للدمع .. عينى