فعلك هانك ( الشاعر مدحت عطية )

فعلك هانك

لو فى مكانك
ومظلوم
كنت هصرخ
كنت هقوم
ماكونتش ها أقبل
أنام
ماكانش هيكفينى
هدوم

مين غيرك
هيدافع عنك
مين غيرك
خلاك .. كوم
مين دلوقتى
قُريَب منك
مين خلى تاريخك
كله .. يوم

كنا نقول
عايزينو ياريس
وتقول .. لأ
كنا نقول
فلان ده .. كويس
نلقاه .. يتزق

كنت شايف
ناس حواليك
بتزيد فى الشق
عمرك يوم
ما تغير على مصرى
أو على حق

لسه بتحلم
تلقى .. صفوف
نفسك تسمع
ضرب .. كفوف

نومتك
فيها .. خوف
فيها مكر
فيها لف .. وطوف

نومتك
فيها .. إدانة
فيها جبن
فيها .. إهانة

لساك برضه
بتستغبانة
بتستعمانة
عِندك قالك
إن شعبك
كله .. فى حانة

جه من شعبك
إلـ بعمره .. زانك
وجه من صلبك
إلـ بفعله .. شانك


خُنت ناسك
عقلك فكر
قام .. خانك
هونا عليك
فعلك قام .. هانك