الشاعرة منال درويش

المشاركة الاولى ..
في حب مصر ....

اكتب يا شاعر ودوس على قلب الوجع بايديك
لملم جراح الحبايب وابدر بذور الوفا بعنيك
اياك تسيب حضنها مرة ولاّ تعيش وحديك
دي هيه بلسم جراحنا ومن الحنان تسقيك
(مصر)..
بلد الخضار والعمار والنور وكل الخير
تعشقها من اسمها عشق السما للطير
تقطع جسور المنافى ترجع لها مشاوير
تحلم لها الف مرة ، لو جنتك عصافير !

اكتب يا شاعر وغنى للسمرة أم الرجال
القوة في ضعفها وتشيل هموم كالجبال
صخرة ، عفية ،بهية ما تهزهاش أهوال
بلد النايات والحاجات والصبر ، طولة بال

اكتب يا صاحبي وقول احكي لكل الناس
عن الحبيبة القريبة م القلب والاحساس
ترابها كحلة عنية ف القلب ما ينداس
لوعشت يوم دنيا تانية هيه الوجود والاساس

اكتب ياشاعر نشيد.... للوفا والحب
بلدى اللي نورها بيضوى جوه الحشا والقلب
محتاج أنا حضنها لو كان ضنى أو كرب
الجوع ، أكلنى.. لكن قلبي ماليه الصب

قلنا ده زمن العجب
ما حدش مننا صدق
الكل بيغنى ع الكل
وأهه الكل يسترزق !!!
تفانين وهبش ونصب
وأنا وانت بنصدق
ام العجايب بلدنا
والعجب تفانين
ترب الغفير صوتت
أموات على حييين
مبقتش عارف يا صاحبي
الحي فيهم مين ؟!!
والنصب ناصب شباكه
والميل عدل صاحبه
لا حد قاله استوب
ولا حد يوم غلبه
زعلان بقى من ترب؟؟؟
متكلفه الفات ؟؟؟
دم الغلابه دفع ،
ما طلبش يوم اثبات

قلنا ده زمن العجب
والهم فيه بنبات
تربة بكام الف واكتر
متسهلة فالسداد
واحنا بيوتنا مقابر
من قهر الاستعباد
موال خديجة ومحمد
ونادية ويا سعاد

غرق الجنية يا بن عمى
اسكت وزيد ف السكات

قلنا ده زمن العجب
بكرة نوفى السداد

فَِ بحر الحب أنا تايهة،
وضايع منى مجدافى
وناسية ، ضحكتى ..مفارقة،
وقلبي يقول لي لا تخافى
وحلمي وسكتى ..سارقة،
وتاهت منى اوصافى
بتوجعنى قوى الفرقة ،،
ونفسي في الهوى صافى
سنين الغربة طحنانى ،
وحلمي يقولي: اتعافى
ومد ايديكى ساعدينى،
وحاولي مرة انصافي
ولا تهزك مشاعر خوف،
ولا همسات لاضعافي
وابنى للامانى صروح،
وعدى ليلك الجافى
ودوسي فوق صعاب النوح،
وعَلْىِ برج أهدافى
ولو داقت حمولك ويل،،
حَ اشيل حملك باكتافي
يا بحر العشق يا غالية،
يا نبض لعشقنا الدافى
و لا تهزك مشاعر خوف،،
ولا همسات لاضعافي…

الشاعرة الجميلة منال درويش شكرا لك على مشاركتك فى المسابقة
ونتمنى لك التوفيق والرقى المستمر
لك محبتنا وأجمل الورود

» الشاعرة منال درويش
» الشاعرة منال درويش
» فِ بحر الحب . شعر منال درويش
» خايفين من إيه ؟ . منال درويش
» فلسطيني . شعر منال درويش