المشاركات الثلاث في شعر العاميه والزجل

[u]
اكيد بترء
---------------
ساعة ما يشوفك
قلبي يدق
لو فـ الشارع
اروح متسمر
وركبي تلؤ
والناس رايحه
وجايه فـ كتفي
عماله بتزؤ
اني اتعتع لايمكن
ابدا واسمع منهم
قولت طؤ طؤ
وانا مدهول وانت
ياسيدي عمال
بترء
ماشي تتمأصع
وقلبي يدق
يدق يدق
ولما بحاول امشي
وراك الخطوه
تهـؤ
ازحف برجولي
وكأني للأرض
بــشــــؤ
مش قادر اطولك
ارحم ضعفي
وبطل دلعك لآني
حطؤ
بفكر لما اشوفك
تاني اجمد قلبي
وتيجي شفايفي
فيك وتمـؤ
وزي ما تيجي
يا اما ترء
يا اما ترء
----------------
قلم \ نزيه تركي



رد ياريس
----------------- المشاركه التانيه
ازاي انا كون كويس
قولي انت ياريس
اذا كنت انت حرامي
يبقي المفروض أهييـــس
القدوه انت امامي
وحواليك مليون حرامي
يارئبس الجمهوريه
عزبة ابوك ياريس
يارئيس جشنا الهمام
ايامك كان متيس
--------------
ازاي انا كون كويس
ولما جيت تعاني
نمت علي سرير كويس
عمال تسمع اغاني
وجنبك اكبر محامي
وانا اخويا مرمي امامي
مضروب بطلق ناري
من ايد رجالتك ياريس
ومش لاقي اوكل محامي
لك حق والله ياريس
------------------
اذا كانت الحراميه
بتموع فـ القضيه
واقفه تساندك ياريس
ازاي انا كون كويس
وابنك مرمي فـ سجنه
والكل سامع بودنه
ورجالته برا بأذنه
بتقتل فينا ياريس
وعاوزني اكون كويس
لا انا اسف ياريس
عمري ماليوم ماتيس
زي رجالتك ياريس
--------------
قلم \ نزيه تركي



واهم
------------- المشاركه التالته
واهم من يتصـــــــــــــــــــور
ان المصري حــيرجع
تاني ويركع
المصري خـــــــــــــــــــلاص
اتهور عالطغيان
--------------
اوعي تفكـــــــــــــــــــــــــر
ان المصري جبان
اوعي تفكـــــــــــــــــــــــــر
ان مصري زمان
نفسه المصـــــــــــــــــــري
الان
ال سجن اعـــــــــــــــــــوان
فرعون
وشل حركتـــــــــــــــــــــــه
ونزل الشارع
واهم من يتصــــــــــــــــــور
يرجـــــع تاني
ويركع
----------------
عايز واحــــــــــــــــــــــــــد
شرب الـــــذل
و الحرمان
وضاعت هيبتـــــــــــــــــــه
ف كل مكان
يرجــــــــــــــــــــــــــع تاني
لا دا
المصري طوفان
--------------
عايز اقول للعســـــــــــــكر
اوعي بهم تستهتر
المصــــــــــــــــــــــري نزل
الشارع فاتح صدره
للنيران
لـ جل يحقق الحـــــــــــريه
لـ بنـــي وابنــك
ياتعبان
-----------------
وانت الان
فرحان بالمنصــــــــــــــــب
بكره تسيبه
وباقي حياتك فــ النسيان
علشان تسحل
بنت بريئه وسط الشـــــارع
البنت دي اختي
واختك نازله الشــــــــــارع
كانت فاكره ان انت
امان
----------------
اوعي تفكــــــــــر انها كانت
نازله بتسكر
تبقي اكيــــــــــــــــــد انت
بتتمسخر
بالحــــــــــــــــــــــــــــــريه
---------------
المصري طوفان
نزل الشــــــــــــــــــــــــارع
ومش ناوي يرجع
واهم من يتصــــــــــــــــــور
انه حيركع
------------

قلم \ نزيه تركي