مش عايز حد يكلمني _ رضا عثمان (2)

مخنوق مش عارف ايه مالى
ولا داري بنفسي ولا بحالي

مصدوم مش شايف قدامي
ولا عارف إي اللى بيجرالي

مش عايز حد يكلمني
ولا عايز حد يصبرني

أنا عايز بس ابقا لوحدي
واهرب من كل الدنيا دي
....
كان نفسي أغمض وأفتح
والاقيني دخلت عالم تاني

واقابل ناس ماعرفهمشي
وأرسم وياهم أحلامي

عالم مافيهوش ألوان غير
اللون الأبيض والإسود

ويكونو اللى يحبو كتير
علشان مارجعشي لأحزاني
....
مش عايز حد ينسيني
ولا عايز حد يكون جمبي

وكفايه الدمع اللى ف عيني
بيهدي النار اللى ف قلبي

وياريت عالدمعه وتتعافى
وتروق الدنيا وتتصافى

كان هم الدنيا بقا ف دمعه
وتهون الدنيا أول مابكي
....
ايه ف الدنيا يخلينى افرح
مين ف الدنيا بيسأل عني

وأعز صحابي بقا بيجرح
واللي أنا حبيته بيهجرني

والغنوه الحلوه اللي اكتبها
قدام عينى الناس تسرقها

كذا حاجه ف نفسي بتألمني
كذا خبطه ف راسي بتوجعني
....
رضا عثمــــــان

» رباعيات رضا عثمان
» الله على كل شىء فيكي _ رضا عثمان (1)
» الشاعر عثمان الخضيرى
» الشاعر عثمان الخضيرى ( انتى مين )
» الشاعر/ رضا عثمان == وبارسم == القصيده الثالثه