أشرف البنا

blue]er]قصاقيص كلام

( 1 )

لما القلب يحن لقربك
و أما العين تشتاق للقاك
لما بحس بغربة ف بعدك
و ان مفيش قبلك... و لا بعدك
و ان حياتي و عمري فداك
و انت معايا بأنسي الدنيا
و ألقي الساعة تمر ف ثانية
…….. و أنا و ياك

( 2 )

أنا مش بس بأهواكي
أنا مش بس بأشتاقلك
بيفرح قلبي بلقاكي
و دقاته بتندهلك
و لو بايديا لاتمنيت
أكون النسمة ف هواكي
و أكون النجمة ف سماكي
أكون شعرك .... و أكون رسمك
و أكون حرف ف حروف اسمك
أكون همسك .... و احساسك
أكون أهلك ..... و أكون ناسك
أكون صمتك .... و أكون صوتك
و أقول مش بس بأهواكي
......... أقول يا حبيبتي
محتاجلك

************

2- قرب ..... جرب

قرب ..... جرب
شرق ..... غرب
هد ..... و خرب
من عمايلكم فين
راح نهرب

الغاز صدرتوه ببلاش
و احنا بندفعهولكم كاش
ليه بفلوسنا ... و بتذلونا
و أما سكتنا ... روحنا بلاش

قرب ..... جرب
شرق ..... غرب
هد ..... و خرب
من عمايلكم فين
راح نهرب

قولتوا اتغيرت الأساليب
جات الفكرة ف الأنابيب
ده اللي راضي
بحاله و صابر
مش محتاج طوابير تعذيب

دي الأنبوبة بكرة ف بون
ليه تستغرب .... لما تلاقي
في بيتنا كانون
م احنا بلدنا راح تتقدم تأمر
... و احنا نقولك أفندم

قرب ..... جرب
شرق ..... غرب
هد ..... و خرب
من عمايلكم
فين راح نهرب

ده احنا الشعب
الحيطة المايلة
و تملي أنتوا
أفكارهم هايلة
طب يا تري
نهتف و نصقف
و نقدم لخبيتكو ميدالية

قرب ..... جرب
شرق ..... غرب
هد ..... و خرب
من عمايلكم فين
راح نهرب

و إن بكرة متكلمناش
هيقولوا دي الناس
مبسوطة
يرجعوا بينا زي زمان
نبتدي من تاني
الحدوتة
هتذاكروا علي لمبة جاز
و المية هتبقي
ع النوتة

قرب ..... جرب
شرق ..... غرب
هد ..... و خرب
من عمايلكم
فين راح نهرب

**********

3- عايزين يخربوها

اللي عايزين يخربوها
و يقعدوا علي تلها
و اللي زارعينها مشاكل
مسيرنا يوم و نحلها

و اللي فاكرينا غلابة
لقمة سهلة ف أكلها
طبعهم فاق الديابة
والتعالب
في الخباثة و مكرها

اللي لسه بينهبوها
و اللي عايزين يهدموها
و اللي ناويين ميسيبوها
و يحجروا علي ضلها

اللي عايزين يسرقوها
و اللي لسه بيحرقوها
و اللي فاكرين غرقوها
دول ما عرفوش سرها

اللي عايزين يخربوها
شّرقوها ..... و غرّبوها
أمريكوها ... و عرّبوها
نصرنوها .... و اسلموها
طب لمين هيسلموها
و لا مين هيقولها

يا اللي ياما بتجرّحوها
حاولوا مرة و فرحوها
اجمعوها ..... و اطرحوها
ياما دوقتوا حلوها

يا اللي جد بتعشقوها
ابنوا ليها ... و عمروها
و ازرعوها ... و خضروها
و احرسوها ... لا تسيبوها
و جوه نن العين شيلوها
م اللي عايزين يخربوها
و يقعدوا علي تلها

ياللي عايزين تخربوها
و تاكلوا ناسها و أهلها
كل حاجة مسيرها ترجع
بكره تاني لأصلها
[/center]

الشاعر الجميل أشرف البنا شكرا لك على مشاركتك فى المسابقة
ونتمنى لك التوفيق والرقى المستمر
لك محبتنا وأجمل الورود

» من طرف أشرف البنا
» مربعات .....أشرف البنا
» مش هنخاف ....... أشرف البنا
» اعتراف ........... أشرف البنا
» مش هنخاف ....... أشرف البنا