نور النبى

عاشقك يانور النبى
تحضنى ف الإحساس
وأبل منك ريىء
كلمة أمل للناس
وألمس لؤاك بالشوق
من شهد فضلك أدوق
طعم إكتمال الفرح
واداوى نار الجرح ..
من عِطرك الياسمين
وارسم بضيك طريق
هداية للماشيين
وأحضن شعاع أحلام
ف عيونك الدافيين
وادفن بقُربك ألام
وليالى أه وأنين
وأعشق ف فجرك شروق
لشعور إيمان ويقين
وأسمع نسيم الكلام
ف سكوت واخدنى إليك
وارتاح ف صمت حكايات
يرويها قلبى ليك
واشعر معاك بالحياه
بوجه تانى جديد
وافرح ف عز الجراح
فرحة صبى بالعيد
واوصل فى روحك سحاب
بكره اللى فاتنى وحيد
يانور على الأنوار
يانور نبى الله
ياواحة م الأزهار
عِشقك جميل ما أحلاه

أحمد الشرقاوى

» مدح النبى صلى الله عليه وسلم
» قصيدة (سايق عليكى النبى) للشاعر محمد عبد العزيز عطا