(( انتي ام الدنيا مصر )) لمحمد رمضان ..

قصيده(( انتي ام الدنيا مصر))
لمحمدرمضان شفيق

"انتى أم الدنيا مصر"

رغم كل اللى حصلّك والكلام اللى وصلّك
من زمان كان نفسى اقولك
انـــــــــي عايــــــش بس ليــــــــــــــــــكي
وان عمرى كله مايسوى دمعه من عنيكى
عشتِ يامصر حُرة تشـــــــــــــرفى ولادك
مهما الزمن جار بيكى بتطـــــــرحى ذادك
المولى حارسك وحافظك من عيون حسادك
عن اى شر يامصـــــــــــــر علينا ابعادك

سنين عجاف عدت ويامصر مستحملة!!
بس العجيب فيكى إنك صابرة ومكمـلة!!
ولاعمرك زعلتى انك عايشة مترملــة!!

لــــــويعرفوا قيمتك ، لو قدروا مهرك
لكان دا بقى حالنا ولا دى بقت حـالتك

اللى سرقك واللى نهـــــــــبك
واللى خد خيرك ودهبـــــــــك
وانتى بردة مكملة!!!

واللى سرق الحلــــــــــم منـك
واللى بَعَد الفرحــــــــــــة عنك
وانتى برده مكملة!!!

واللى طفّى ضى عينك
واللى خد فرحة سنينك
واللى قالك إن حُبة كان نفاق
واللى حبك بس حُبه كان رياء
وإنتى سامعه شايفــــه ساكتة
بس حاسة بإختنـــــاق...
ولسه برده مكمله!!!

واللى باعك وإللى خانك
واللى سبّـك وإللى هانك
واللى خد حُلقان ودانك
وإللى راح للغرب دانك
واللى عمرة ماصان ولادك كلهم.. ولا حتى صـــــــــانك
واللــى وعـــــــــــــــــــــــــــــدك... بس ساعة الجد خانك
وانتى وهبالهم حنانك
ومن بعيـــــــــــــد مـتــــــأملة!!!

واللى باع طينك وأرضك .... واللى عاش يهتك فى عرضك
واللى مستحملش مرضك ...

واللى قدملك سموم مرة فى دواكـــــــــــى
واللى عمره فى يوم ماكان طالب رضاكى

واللى صدقتى كلامهم بعد ما حلفوا اليمين
واللى مصورين قَسمْهم طلعوا أجدع كذابين
عِشتِ ليــــــــــــــــه مستحملة ؟؟؟

بس مهما باعـــــوكى الديــــــابـــة
انتى أم بتحضنى الناس الغلابـــــة
اللى عرفوا منك يعنى إيه كلمة طيابة
واللى عزفولك غناوى حبهم على الربابة

انتى مصر.. انتى مصر
يعنى وردة مفتحه على كل عصر
قلوب كتير بتعشقك ملهاش عدد ولا ليها حصر
انتي مصر انتي مصر
" انتى أم الدنيا مصر"
*********************
تحياتي/ محمدرمضان