مربعات .....أشرف البنا

[[size=18]center][font=Arial Black]
[
1


علي عومكو مانيش عايم
و لا هأرضي بنص حلول
ده لو كان كدبكو دايم
لا كان فيه ثورة ولا فيه فلول
---------
2
ف البحر ياما مراكب
تبحر شمالي و جنوبي
الفرح ف قلبي مراكب
و السهد كاوي جنوبي

. ...........
3
البحر واحد و السمك ألوان
و الناس معادن و ابن الأصول بيبان
الفالصو لو زينه قشرة و لون بهتان
و الورد فيه ريحته حتي و لو دبلان

..........
4
في البحر صدفة و محارتين
و حبة لولي بتنوّر
من بعد حارتنا بحارتين
قمر مين شافها بتنوّر --------- (بات نوّر)


كلمات . أشرف البنا