ضحكة يتيمة لمحمد سعد دويدار

#ضحكة_يتيمة
الناس شايفينك من بره
ومحدش شايف أيه جواك
شايفينك عايش متطمن
والفرحة في عينك مش سيعاك
وحياتك ماشية بتضحكلك
والحظ كمان دايما وياك
مع انك ميت من جوه
وهموم الدنيا جبال هداك
الواقع مؤلم بيهينك
وجراحك باينه من الصورة
هتلاقي كتير أوي حاسدينك
على ضحكة يتيمة ومكسورة
فهتصرخ اكتر من عمرك
ومافيش احساس ولا ناس بتصون
والعيش والملح اللي أكلته
وياهم لازم يوم بيهون
هتدفع عمرك وحياتك
علشان توفيلهم بوعودك
ولا حد في حيرتك هيساندك
ولا يفرق غيبتك ووجودك
أراجوز في نظرهم مع انك
كان ممكن جدا تخدعهم
بتحب الخير دايما ليهم
ودي اخرت انك تصفالهم
أحزانك متهمش واحد
م الشلة الزايفه الكدابة
الصحبه اللي انت امنتلها
م الاخر عالم قلابه
الجار هطير وقت الشدة
وظروفه هتبقى مهش هي
وعشان مصلحته هيلزقلك
واستقبل حب وملاغية
دا حبيبك عز ما تحتاجه
بحنانه يساندك في عذابك
يشكلك انك بتفارقه
ويبالغ دايما في عتابك
تشكيله عشان لحظه يضمك
هيزلك يكسر في ضلوعك
ويسمك دايما بكلامه
ولا يشغل باله بموضوعك
مشكلتك انك اهملته
دا فى نظره ازاي قلبك قاسي
بيفكر بس في أحاوله
ولحالك ليه دايما ناسي
ميحسش انك بتعاني
ولانبرة صوتك مش هي
زعلان علشان بس سؤالك
حريف وبيهوي الأنانية
هتدور وتلف وتتحكى
مع نفسك اية اللي جرالك
هتشوف اغرب وهتتكلم
تحكيهلم توصف أحوالك
وهتدفن سرك وياهم
لاكواهم حكيك عن ألمك
ولا يمكن أبدا تنساهم
مع ذلك كل اللي حكيته
بالرد يقولوا خلاص معلش
واهى كلمه وداير في كل مكان
اللى انت حكلته وفضفضلك
بالوقت توهوه مع النسيان
الباقي عليك دايما نفسك
احكيلها هتبقى في يوم منصور
الحزن في عينيك مش ليهم
دا هيكسر قلبك وسط النور
#ضحكة_يتيمة
#محمد_دويدار
6/12/2019 pm 10:08