قصيدة "غدر خام " للشاعر محمد سعد دويدار

غدر خام

**************

قوتيني في بُعدك أكتر
ع العذاب وانا بين ايديكِ
خلتيني اشتاق وافكر
اني أبعد عن عينيك
داء غرورك فيكِ أكبر
من مزايا الحب فيكِ
العجيب من كل عشقك
انه فعلا مش كلام
انت حاجة بجد هايلة
في المواده والغرام
تخطفي قلب اللى شافك
يأسرك وبحب خام
اللى زيك ده مثالي
انت موسوعة علام
اللى داس في الحب لازم
يجي عندك تنصحيه
علميه ازاي يداوي
كل حزن حبيبه فيه
علميه ازاي بيرسم
ضحكته على كل لون
علميه ازاي بيغدر
علميه ازاي يخون
علميه ازاى يدارى
لما يبقى في وقت جارح
تستحقى ألف مره
جايزة القلب المسامح
تستحقى وسام أميرة
بس يبقى في المسارح
--------------
كلمات محمد سعد دويدار
17/6/2019 2:08 pm