وبضمير الشعب قــرّر.... ضياء الدين البري

السلام عليكم .. كلام من قلبي
أحمد مصطفي البري كتب :

وبضمير الشعب قرر
....

بالمشيئه ..
مش هايحصل ..
إني أرجع تاني واغفل
مهما حاولوا يهدّوا حيلي
أو يحاوطوا بيّا ليلي
أو يصرّوا إني أرحل
مش هايحصل ..

بالمشيئه ..
مش هايحصل ..
مش هانتعب يوم ونركع
مش هانغضب يوم ونرجع
مهما ديب الليل يدبّـح
مهما بومة الويل تقبّـح
مش هانخضع
أصل بيع الندل أسهل
مش هايحصل ..

بالمشيئه ..
مش هايحصل ..
إن ريق الأرض ينشف
أو جسور النهر تضعف
مش هاتوصل..
إن صوت الحق يهرب
مهما شوفت فْ بكره أصعب
أو فلول الشر تخرب
مش هاتقدر..
تمحي نبض القلب مني
أو تخيّـب فيّا ظني
مهما شوفت الدّبّـه عاصيه
أو ذيول الفوضي قاسيه
عايزه تنزع مني قلبي
لجل تزرع فيّا رعبي
مهما تكذب أو تضلل
مش هايحصل ..

بالمشيئه ..
مش هايحصل ..
مهما غولة الأمن هبّـت
مرّه تانيه مش هانصمت ..
بس هاصبر ..
مهما عشت كتير مليّـل
أو عليّ الليل يطوّل
أصل ثوب العار رميته
ذنبْ كنت فْ يوم جنيته
ومّـا ربي فْ علمه قدّر
وبضمير الشعب قرر
قام بثوره مش هاتقبل
إلا بالتـّطهير وأشمل
في الحقيقه
وبالمشيئه
بكره يوم هنعيشه أجمل
والأكيد انّـو هايحصل

....

» من غير إحم يابا .. ضياء الدين البري
» صبرك ياقلبي شويّه .. ضياء الدين البري
» بين شطـّينك بالقي حنانك..ضياء الدين البري
» إلطــم خـدودك يـازمــن .. ضياء الدين البري
» ولسّه مش عايزاني احبك.؟..ضياء الدين البري