قصيدة "" أمتى "" للشاعر ابراهيم بيومى المحامى

""أمتى""
*******
أبكى سنينى انا العربى وأبكى
أمتى
شاخت فيها النظم والشعوب
بتشتكى
خلعوا عنك زعيمك وبغروره
ما مشى
وأغتالو حتى علومك ما كبيرك
بيترشى
*********************
ابكى سينينى انا العربى وأبكى
محنتى
خانك حتى جنودك وشوفنااللى
ما ينحكى
أسودك هانو فهودك .. وكبيرك
ما يختشى

********************
يا كبير شاخت سينينك وشعبك
يهينك
عدموا ضميرك ونادو برحيلك
وانت فى خلودك الله يعينك
قالو بلادنا دى مش بلادك
وانت الكبير واحنا ولادك
اطلع وسيبنا وخد كل زادك

********************
أبكى سينينى انا العربى وأبكى
بلوتى
ضاع منى طريقى وتاهت
سكيتى
بعد الزعيم ما كبر وحجم
خطوتى
قلت اخرج وأنادى وأسطر
شكوتى
يمكن جنابه يسمع ويرحل عن
دنيتى
لكن بسلطانه حلف ما ينزل عن
سلطتى
وبصلفه وغروره قدر على
قسمتى
وجنوده سلح وكمان خرجوا
لضربتى
قلت لازم اتغصب واشيل
بندقيتى
وفى وش اخويا ارفعها واعمل
عملتى
********************
أبكى سينينى انا العربى وأبكى
كمان
بغداد وطرابلس بيروت لبنان
ودرعا وصنعاوالبيضا وكمان
عمان
انا عاوز حقى مش طالب
احسان
********************
أبكى سنينى انا العربى وأبكى
صرختى
فى كل عطفه او زقاق وحتى
فى غرفتى
لأصرخ وأنادى أمتى أمتى
أمتى
أبكى سينينى انا العربى واشكو
أمتى

*********************
ابراهيم بيومى
محام بالنقض

» قصيدة "" أمتى "" للشاعر ابراهيم بيومى المحامى (فديو)
» قصيدة "" خمسه وعشرين يناير "" للشاعر ابراهيم بيومى محام بالنقض
» قصيدة"" حبه جنان "" للشاعر ابراهيم بيومى محام با لنقض الخميس 28 يوليو 2011
» قصيدة ( أمى ) للشاعر عبد الباسط السرسى
» قصيدة دور يا جوجل للشاعر حسن احمد