ضاع الشباب للشاعر محمد سعد دويدار

#ضاع_الشباب
8/11/2016
///////////////////////////////////
والله مهما نقول
بالعرض أو بـ الطول
ما حـ يكفي فيهم قول
نص الشباب ضيعين
مش كلهم لكن
لازم نواجه بعض
وبلاش نلف ندور
و نزيّف الواقع
بس الطيور أنواع
والكل بيغني
ويسير تبع حاله
وانا بكتب الكلمة
معرفش ايه مالي
معلش سامحوني
هتّوهو منّي كتير
علشان انا غضبان
من قطر كان مغزى
بيودّي للأحلام
وكرهت انا حلمي
ويارتني ف القضبان
ولا كنت هادايق
ولا حتى اكون مخنوق
ولا اشوف بنات تتهان
من أيها مخلوق
ياعم دي أختك
حرام عليك ما تفوق
ترضاها لخواتك
والله ما حـ ترضى
افهم بقى وصُنهم
يا بايع النخوة
لو انت مش متشاف
فـَ ربنا شايف
دي الحركة مردودة
وليها ألف حساب
أه يا خوفي من بكره
وياخوفي من دا عتاب
#محمد_دويدار
#القطر_مواقف