( 1 ) الشاعر محمد فتحى السيد
صباح الشعر والإبداع
----------------------------
صباح الشعر والإبداع
صباح خالي م الأوجاع
وبيبيع الفرح ببلاش
وبيعري في أي وشاش
بتتلون بألف قناع
صباح الشعر والإبداع
صباح شايل حروف من نور
صباح طارح ملايكه وحور
صباح يهدي الوجود فكره
صباح راسم طريق بكره
صباح أسياد ومش أتباع
صباح الشعر والإبداع
صباح صافي يرد الروح
صباح بلسم يداوي جروح
صباح يحمي الوطن يبنيه
صباح خيري ب ايدي أجنيه
صباح ملاكي مش متباع
صباح الشعر والإبداع
---------------------
---- الشاعر محمد فتحى السيد
-------------------------------------
( 2 ) الشاعر صبحي بشاي بشاي
صباح الشعر.من اهله
لأغلي صحاب..بتندهله
ياريتني.. كنت ..وياكم
اكتب شعري علي مهله
أجمل صباح للشاعر الكبير / الشاعر محمد فتحى السيد
----------------------------------
----------------- الشاعر صبحي بشاي بشاي
-------------------------------------
( 3 ) الشاعر محمد سعيد
ومين شاف الصباح زيّـك
ومين هيقول مع قولك
لأن الحرف من ضيك
مسمع للسحاب والبدر
وبيقولنا وبيقولك
الشاعر محمد فتحى السيد
--------- الشاعر محمد سعيد
-------------------------------------
( 4 ) الشاعرة Mervat Hamouda
صباح الفل والياسمين
صباح الورد ف البساتين
صباح يروي قلوبنا حنين
صباح جوري بيتباهي
بزينة الشعراء قولوا امين
صباحك رضا الشاعر محمد فتحى السيد
منور الدنيا يا عمنا
--------- الشاعرة Mervat Hamouda
-------------------------------------
( 5 ) الشاعر محمود ناصر
صباح الشعر والكلمه
تفوت ع القلب والشريان
تحصد م العيون دمعه
تزرع فرحه فى الوجدان
صباح الشعر ياغالى
صباح الفن يافنان
تحياتى الشاعر محمد فتحى السيد
--------- الشاعر محمود ناصر
-------------------------------------
( 6 ) الشاعر عبد الحليم الزلوعى
صباح معجون بحرف النون
منين مانروح يروح الروح
بتلقي معاك سكينة وسكون
--------- الشاعر عبد الحليم الزلوعى
-------------------------------------
( 7 ) الشاعرة Nashwa Elsehaimy
صباح النشوي و الإبداع
صباح أصيل من غير قناع
--------- الشاعرة Nashwa Elsehaimy
-------------------------------------
( 8 ) د. أسامة عباس
صباح الشعر والإبداع . صباح خالي م الأوجاع ,
نعم ينبغي ان يكون صباح الشعر والجمال والإبداع خاليا منن الأوجاع
مبشرا بغد افضل , وليت الأمور تترك للشعراء , لكان العالم أفضل ,
اسعد الله صباحك وصباح جميع اعضاء الرابطة بكل خير .
------------------------------ د. أسامة عباس
-----------------------------------------
( 9 ) الشاعر حمدى موسي
صباح الفل ياغالى صباح طالع بحنية
لا شمسه وشها مكشوف ولاأرضه موطيّة
صباح طالع من الجنة عدل .على ناس مصليّة
صباح مليان ايمان وحنان . وشعر بيحسن النيّة
صباح الحب والفرحة . بينزل أرضنا الطارحة
سنابل صبر نجمعها ونطحنها ونعجنها ونخبزها . حياة مهضومة وهنيّة
صباح النور على بلدى على ولدى على أهلى صحاب الحق ف قضية
فلسطين اللى نسيناها وبعناها وسيبناها...ف إيد حبة حرامية
صباح الحق ف ايدينا ومش لازم نفرط فيه بسلبيّة
صباح القدس والحرمين...صباح الثورة محمية
ولسه بتمشى ف الطرقات تلم الناس بأغنية
بلادى بلادى محميّة طبيعيّة
صباح الفل والياسمين قصيدة شعر مكتوبة بإيد أطهار وأوليّا
صباح الحق فى الدنيا بيدينى ويملا ايديّا وعنيّا
صباح الفل استاذى اساتذتى . صباح فرحان قوى بيكم . ومش مبسوط قوى بيّا
عشان قصّرت ف الكلمات . وطلعت حاجة مش هيّه
فانا آسف وسامحونى مانا شاعر . يادوبك نص فى الميّة
------------------------- الشاعر حمدى موسي
---------------------------------------