جيهان فتحي ومحمد فتحى السيد ( مانيش هامش )

***** جيهان فتحى *****
..............................................
منيش هامش ...
ولا شئ يدوب عايش ..
على حدودك ..
وبين اللحظة والتانية ..
تدوق الشهد وف ثانية ..
يموت الورد ف خدودك ..
تاخدني ف لحظة أحلى قرار ..
ولحظة تغيب وبالمشوار ..
وبينهم .. كارهة أنا سدودك ..
ولا هقبل لأعذارك ..
بايدي قطعت مشوارك ..
كتير كداب وف وعودك ..
.........................................
جيهان فتحي
****************************
___________________________
رد ***** محمد فتحى السيد *****
........................................
تكونى ازاى على الهامش ؟
وانتى الفكره والمضمون .
أنا ف بعدك مانيش عايش .
ولو حتى ملكت الكون .
ومين قالك مابينا سدود ؟ .
وانتى الشعر والألحان .
وكلمة حب شيء محدود .
ونقطة دم فى الشريان .
واعذارى ماتلزمشى .
مادام فى العقل حطانى .
ولو قلتى فى يوم امشى .
مشاعرك لسه حضنانى .
................................
محمد فتحى السيد

سجال جميل
سعدت بالمتابعة فشكرا لكم
مودتي واحترامي

» محمد فتحى السيد وجيهان فتحي ( سجال عيون القمر )
» لقاء الحروف . الشاعر محمد فتحى والشاعرة جيهان فتحى ( 1 )
» عزة الزرقانى ومحمد فتحى السيد ( نفسك تشوفنى ؟ )
» نجاة عبد الحليم ومحمد فتحى السيد ( كلام ورد غطاه )
» إيزيس غانم ومحمد فتحى السيد ( حاربونى بيك وحبة بخار )