رباعيات *قصيدة أمانه يابكرة للشاعر محمد عبد العزيز عطا

أمانه يابكرة
*************
يابكرة امتى راح تيجى
تفك قيودى من إيدى
سنين العمر بتعدّى
وانا المظلوم ياسيدى
****************
يابكرة مستنى تعالى
شبعنا كلام وقواله
حمول الهَم خنقانى
سنين فى القلب متشاله

***************
شدّيت حزامى ع الاخر
يابكره الجوع بقى كافر
هموم الدنيا على قلبى
هنعيش كدا ولا فيه أخر
***************
امانه يابكرة ماتتأخّر
هممنا عمالة تتكسّر
الفجر ليه كدا بيطوّل
والحلم عمال يتبخّر
***************
@محمد عبد العزيزعطا@