مربعات من فن الواو

08.22.2014

مجروح وحالتى صعيبة
ودونى دوغرى الدمرداش
مستشفى صعبة وعجيبة
لا قطن فيها ولا شاش
............
رنيت علية وحشنى
دة بقالة زمان بعيد
اول ما فتح واتكلم
نفذ منى الرصيد
.........

دنيا افراح وهموم
الهم فيها اللى غالب
الانصاص قامت وبتزوم
ونامت فيها القوالب
........
لية يا نفس
....

لية يا نفس نشيل ذنوب
أمشى فى طريق مستقيم
يا ما قلت كتير اتوب
لما قلبى صبح سقيم
وربك والله رب قلوب
هو الرؤف وهو الرحيم
....
طول الليل واحنا بنعك
ع النت والفيس بوك
واحد يعجبة كلامك
وواحد تانى منة يشك
........
فية ناس حلوة عرفناها
اصبحوا اغلى الغاليين
دايما ع البال والخاطر
واكيد هما كمان عارفين
...........
بقالى اصحاب وحبايب
من اسوان لمطروح
احسن من كتير قرايب
وكلامهم بيرد الروح
..........
عندى كمان 200 جروب
بنشر فيهم كل كلامى
شعر و فن وقصة وحب
ذكرى سنينى وشقا ايامى