قصيدة( الكلمة) للشاعر محمد عبد العزيز عطا

الكلمة
**************
قالوا الكلمة تجيب وتودّى
لمّا تكون حلوة... بتعدّى
ولما تكون جارحه.. تهدّى
لمّا نشوف مين قالها وليه؟
قالوا الكلمه صحيح ليها قيمه
لمّا تكون حلوه و عظيمه
اما الكلمة الجارحه جريمة
طيب ننطق بيها ليه؟
قالوا الكلمة تحل مشاكل
وتريح قلب المتشاكل
وكمان كلمة تزيد فى مشاكل
يبقى حنبعد عنها يا بيه
لمّا الكلمه الحرّه تبان
قولها وماتخفشى يا انسان
دوس ع الباطل وافتح ايدك
وافتح للحق الأحضان
هو انا وانت ومين التانى
انسان مجنى عليه مش جانى
يعنى الكل عايش احزان
يبقى الكلمة الحرة تبان
لو مظلوم إدعى الرحمن
ان فى يوم الحق يبان
طول ماحياتك روحها فى ايده
مايهمّك إنس ولاجان
ياللى بتقتل ياللى بتحرق
ذنب كبير دم الانسان
رب العزة حرّم دمّه
على العالمين
ان كان مسلم ولامسيحى
ان كان ابيض ولاّ سماره
بلون الطين
ارجع للحق ياخوّان
ارجع شوف أصل البنيان
لو للباطل ايد ولسان
مهما كسب بيكون خسران
حيروح فين من عدل الخالق
ولما يقف قدامه ندمان
****************
@@محمدعبد العزيزعطا@@
13/8/2014

تسلم ايدك يا استاذنا الكبير