انشودة الصبر والنصر

انشودة الصبر والنصر
.........
1967
كنا أطفال صغار
لسة فى اللفة
والحزن باين علينا
والفرحة تتخفى
لما رضعنا الألم
فى عيون اهالينا
وجنودنا غرب القنال
مستنية الزفة
........
1970
الحزن كان دايم
نصحى علية ونبات
وسنين تلاتة مضت
نذرف دموع وآهات
كان الأمل منتظر
فوق القنال زينا
والفجر شقشق وبان
بزعيم اسمة السادات
..............
1973
من بعدها مرت
تلات سنين طوال
ورئيسنا كان ساكت
خطط وفكر وقال
فى يوم ستة اكتوبر
ياجنودنا عدوا القنال
الحزن قرب ينتهى
وسكوتنا يا مصر طال
وباءذن واحد أحد
هنكون منتصرين
وبصرخة الله أكبر
مفيش علينا محال
...............
وف يوم ستة عبرنا
وجيشنا يتقدم
ومفاجأة الحرب
خلت جولدا تتلجم
وكان جيش العدا
زى المريض عيان
ماشفنا ردت فعل
ولا شفنا موشي ديان
واللى فضل منهم عاش متندم
..................
عبرنا وهزمنا عدو
شكلة قبيح ومخيف
وحطمنا سد منيع
اسمة هناك بارليف
وبكل قوة وعزم وبسالة
حققنا اسطورة
وكتبنا احلى رسالة
حررنا اراضينا
ورفعنا راية النصر
وهزمنا اعادينا
ورجعنا سينا لمصر
............
محمد نعمان الهوي
اهداء لمصر الغالية
فى الذكرى 40 للعبور
1973_2013
6/10/2013