المرايا
مــاكفايـــــه يــــا مرايــــا
مــــاخلصــــت الحكايــــه
وكشفتيـــــلى المستــور
وشــوفت انــــا نفســــى
يمكـــــن تكــــون غلطتى
يمكــــــن يكـــــون ياسى
ممكـــــن تكـــــون غربتى
وتوهتــــى عـــن نفســى
خلـــــونى اشوف صورتى
ما داريتــــى يــــا مـرايـــا
شـــــوفت السنيـــن طلت
تجاعيـــــد كتيـــــر هلــت
ضيعـتــى يا أحلـى سنين
طب بس ها اشكى لمين ؟
يا باقى مـــــــن عمــــرى
ارجـــــــوك تعالى قوللى
هـــــا تبقـــــى يا باقـــى
زى اللــــــى راح منــــــك
ويــــــــرد بشمـــــاتــــــه
يا عـــــم عيــــش سنـــك
والقلــــــب بيقـــــــوللـى
انــــــا لسه برضــه اخضر
واشـــــوف عيــون مرمــر
وانـــــا احـــــس دقاتـــــه
وفى لحظــــة تبقى اكتـر
واعيـــــش مـــــع اللحظه
وعقـــــلى ,,, بيفـــــكــــر
رجليـــــــــا ,,, خانتنـــــى
واللــــــه مـــــــا شالتنى
او حتــــــى نشـــــــلتنــى
والقاعــــــدة بتطــــــــول
وارجــــــــع مــــــن الاول
ابـــــــص يــــــا مرايـــــا
القـــــاكــــى كاشفـــانى
حــــــرام يـــــاكسفــانى
والقـــــى السنين كتـرت
والقــــى العيــــال كبرت
وهـــــــى مـــــا دريـــت
ان الطـــــابــور ماشــى
والواقعـــة مش بالــدور
فـى الظلمة او فـى النور
ولاحــــــد يعـرف فـيــن ؟
او ميـــــن عليــــه الدور ؟
واشوف ف ضى المرايا
سنينــــى نايمـــه ورايا
وشعـرى بقـــى كم لون
أبيـــــض لكـــن مجنون
زاحــــف فى كل اتجـاه
وكأنــــــة كان مسجون
تجاعيـــــد وكانت بعيـد
ما أعرفــــش ايه جابها ؟
رسمــت بقلم السنيـن
خطــــــوط على الجبهه
حتـــــى ياجفن العيـن
ما كنــت م السالميــن
حـرمـــــت يــا مرايــا
ابصــــلك فـى النـــور
هــاتبقـى فــى الباقــى
متعلقــــــه ,,, ورايــــا
لاعـــــــدت ها احكيـلك
ولا مرة هــا اشكيـــلك
ولاعمــــرى راح اجيلك
مـا انتى اللـى كاشفــانى
وانتـى اللـى كسفــانى
لــو قولـــت آه يــــانى
خلــى الطابـق مسـتور
موضوع: عبد الحليم الزلوعى . المرايا 
الخميس 7 أغسطس 2014 - 2:44
