عبد الحليم الزلوعى . الصاحب

الصاحب
حاســـــب مــــن الصاحب
للمخبـــــــــي يبــــــــــــان
لتصاحبــــــه بالمـعــروف
لتفـــارقـــــه بالإحســــان
وخـاف من الصاحــب
اللــي كمــان زنــان
عمـــرك ما تلقى معــاه
لا بــــر ولا إحســـان
تسمـــــع كلام يرضيــك
مـاهو كلـه با المجان
وان جـه مره يواسيـــك
بتحاوطــك الاحـــزان
وان قــــال دا ســر ليك
يحكيــه في كـل مكـان
تسـأل عليــه تلاقيـه
حاكيـه لــ 100 إنسـان
وان شـاف واحد غريـب
يحكيــه كمـان وكمـان
والبلــوه يهمسـلك
دا السـر في الكتمـان
تلقـى روحـك بتـروح
اسكـت وقـول غلبان
ما هـو دايــما الزنـان
راجـل مالهش امـان
وان كنت مش عارف
اساْل وقول يا زمـان
وايـاك مـن الصاحـب
اللى مالـوش صاحب
غـدار وطبعـه فيـه
ويـوم مـا نتحاسـب
تلـقاه عليـك حاسـب
اللـي ما يتـناسـب
معاك وهايـرضيـه
تلقاه يروح ساحب
حقـده اللى هوه ماليـه
تبقـى انت له صاحب
سهمـه كـده صايـب
وسكتـه مصـايـــب
في الشده ما تلاقيـه
على طول يروح سايـب
حبـل الــوداد دايـب
وهـوه ما لـه حبيـب
قلبـه كـمان غايـب
دايما كـده خايـب
في الفرح ماله نايـب
ها تصاحبه بقى علي ايه ؟

» عبد الحليم الزلوعى . هش
» عبد الحليم الزلوعى . مدد مدد
» عبد الحليم الزلوعى . سيف جلاد
» عبد الحليم الزلوعى . طعم العذاب
» عبد الحليم الزلوعى . المرايا