قصيدة أنا العربى للشاعر محمد عبد العزيز عطا

أنا العــــــــــــــربى
******************
انا المهضوم لى حقى
انا المسحول على ارضى
انا المقتول فى بلدى
وشيال الهموم وحدى
انا الباكى انا الشاكى
انا المظلوم
انا اللى صوتى كان عالى
صبح مكتوم
انا اللى بختى كدا مايل
من غير كلام او لوم
و دمعى م العيون سايل
على خدى بيكوينى
اهات من قلبى
زى النار بتأذينى
أنا المولود وبيعانى
أنا المطحون ومتمرمط
وخالى اليد
وعمرى ما اشتكيتش لحد
أنا مصرى ومن سينا
والاقصر برضه اهلينا
تلاقى كرمنا فى الدلتا ووادينا
ابو اسكندر وبحراوى
وشرقاوى وغرباوى
اعز الناس قوى علينا
وفى القناه تلاقى حياه
وليا مرسى فى المينا
انا صعيدى ومن اسوان
وزارع قمحى فى السودان
وفى الخرطوم وانا معدى
اقابل اهلى فى لبنان
وفى بيروت سلامى
لكل بحرينى
سلامى لكل عُمانى
انا دمى فلسطينى
فى غزة بيسيل
مالاقى حد يأوينى
وامى اصلها الاردن
وجدى كان من المغرب
على حالى ما تستغرب
دى قصة بس بحكيها
وهتلاقى الحياه اغرب
وسورى الاصل والمنبت
ومن دجله اروح اشرب
وفى البحرين هناك ارضى
سعودى بخاف على عرضى
بلادى المغرب العربى
من الاقصى بعلو الصوت
بنادى مسجدى الاقصى
ياقدس يا ارض اجداداى
ياعزى وعز اولادى
انا عربى و احفادى
ولىّ برضه امجادى
سمارى يبقى لون طينى
وارضى هى عناوينى
ونيلى اللى بيروينى
ويمنى شايله فى عينى
كويتى وقطرى من دينى
وبيناتى فى اماراتى
ودجلة والفرات انهار
بتروى الفارس المغوار
بتروى شعبنا الاحرار
ليبيا وتونس الثوار
انا عربى وليا اساس
وليا بدل الدار دوار
***************************
@@الشاعر محمد عبد العزيز عطا@@
22/7/2014

تسلم ايدك يا استاذنا الكبير

» قصيدة (قول يا شهيد) للشاعر محمد عبد العزيز عطا
» قصيدة (ارضى أنا) للشاعر محمد عبد العزيز عطا
» فن واو قصيدة (بلغوها) للشاعر محمد عبد العزيز عطا
» قصيدة (على راحتك )للشاعر محمد عبد العزيز عطا
» قصيدة( لحظة أمل) للشاعر محمد عبد العزيز عطا