ديوان الرسم بالكلمات للشاعر حسن توفيق عبد المطلب

الاسم / حسن توفيق عبد المطلب
قويسنا - محافظة المنوفية
الوظيفة / مدرس ثانوى
موبايل / 01067408753

ديوان
( الرسم بالكلمات)

............. ذكــريــــــــات ..............
ــــــــــــــــــــ
ماشى ..
وسايب لى حبّة حاجات
كل شىء بعد قلبك ..
لون الجراح
الدمـع نـــازل يجْـــرى ..
من قلبى
وابْكى غصب عنى ..
فى ليلة نواح
سامْعة ألحان م الآهـات ..
فى جنبى
الصورة مش حلوة ..
والصوت صراخ
انت والأيام نـــار ..
ساكنة ضلعى
وذكرى عايشة ..
جوة نبض الصباح
جـــاى الليل يبْكى ..
عتمة أيامى
وراح يشْكى منى ..
ومن غدر الزمان
ليه تظلم قلب حبك ..
يـــا أنــانى
خلْلى بالك ..
مش هتْشوف الأمان
ياما شلْتك ..
جوّة نبض حنــــانى
يعمل أيه الماس ..
فى لحظة جنان
سايب لى أحلى أوجاع..
حياتى
كلمة ذكرى ..
وغنوة عزف ع الكمان
سايب لى طعم المر ..
فى مماتى
وغصن الفرع ..
ماطال الشوق والحنان

*****************************
******

....... السعـــد وعـــد .......
ـــــــــــــــــــــــ
طـــــول عمــــرى ..
بتْصـــــالح مع حـــالى
إن قــلــت آه ..
ألقا ضحكة الخالى
.................................
المــــوّ ال مــــوّالى ..
بيـــاض شـالى
القــلب حب ..
برجك ياحمام عالى
...............................
الأحــــــــلام ..
هربانة بعـــــيد عنّى
والعـــتــمـــة ..
بتقـرب هنـــا منّى
................................
واحد م الجن ..
خايف حروف خطى
ده رســمى ..
واللون بيبْكى خدّى
...............................
طــــــول عمـــــرى ..
شايف القمر ماشى
والنجـــمـــة ..
عايْشة فى مدار بعدى
...............................
الشعــــر عزف ..
والكلمة حــرير هندى
المـعـْـنى ..
بيعانى وجع قلبى
................................
عـمــر الشوك ..
ماكان طارح فى أرضى
طــول الوقت ..
شايف غربتى ضدّى
...............................
عمر الفْــــرح ..
ماكان عارف عنوانى
يـــاريت يفتكر ..
إنّى بعــــانى
...............................
طــــول عمــــرى ..
مش ماشى على قدى
ميزانى عادل ..
والزبون هندى
..................................
ازرع خـــــــير ..
احصـــــد مــر ..
يزيـــــــد همّى
راح مــــــالى ..
ول باقى بقا ماضى
................................
الأزهـــــــــار ..
فـى أرضـى ..
تصون ودّى
والأنهــــــــار ..
مليانة كنوز سعْدى
..............................
النهــــار فات ..
وغيره جـــــاى ..
من تــــانى
الليـــل ده ..
له آخــــــــر ..
دموع وعْدى
.............................
طــــول عمــــرى ..
ســــــارح ..
فى جنون فنى
السمرة أرضى ..
قمحهــــا شهدى
..............................
ف الشِــــــدّة ..
مش لاقى قريب ..
عندى
أصل البحـــر ..
مالح ..
والدوا بعـــــدى
...............................
بكرة جـــــاى ..
وبعده جـــــاى ..
بلـون بمـبى
السعــــــد وعد ..
والفرحة تكون وردى

**************************************

....... أكــيــد فى مصـر .......
ـــــــــــــــــــــــــ
لـمــا تــشــوف الـنـيـــل
حاضن قلب الورد
وتلقـا الموجــة عاشقــة
جمال الخد
تـسـمــع صــوت بيـقــول
انت هنـــا فى مصر
...................................
لمـا تـقــابل نـــاس حلـوة
ملهــاش أد
وتلقا سلام
ومـراحب بيك من غير عـد
تقول لنفسك
أنــا أكيــد فى مصــر
.................................
لمـا تشــرب ميّــة هنيــة
بـجـــــد
وتـاكـل فـطيـــرة مـصريــة
مع الـــود
تحـلف إنك دخلت الجنـــة
فـى مصـــــر
..................................
لمــا تلاقى آدان ع المدنـة
ونـــاس بـترد
وتلقــا تــــــاريخ وحـضــارة
يذور المجــد
تـقـــول بــأعـــلى صــــوت
تعيشى يا مصر

**********************************

......... الأمــل ف العـمـل ..........
ـــــــــــــــــــــــــــ
تعــــالى يــــامصرى ويـــامصريــة
نـــاخــد بأيــــد أمــّنـــــا بـهـيــــة
نـرفـع شـعــــار الأمـل ف العـمـل
والعـــرق يــروى قــلب الصبـــيّـة
نصالح عيدان القمح ف الغيطــان
وف الحـصــاد نلقى لقمة هـنيـّة
نـعـــــامــل نـفـسنـــا بـتـواضــع
ونكـون لمصــــر شجــرة حــنــيّة
تعــــالى يـــامصرى ويـــامصرية
ندى مصر جزء بسيط من دخلنـا
نشتـغـــل بجــد ونتـعب شويـّـة
نـزرع أمـــل فى لـيــل الأسيـــّة
فـيهـــا أيـــه لـمــّا الحــب يتـولد
والفـرْحــة تحـضـن دمـوع نقـيــّة
فيهـــا أيــه لـمـّا نحمى حـقـنــا
وكــل حـــارة تبقـــا لوحـة فنيـّة
فيهــــا أيــه لـمـا نـربط جـرْحنـا
وتطلع علينــا شمس الحـريـــّة

**********************************

........ ولسـه ماشْــين ........
ــــــــــــــــــــــــ
ماشْــين .. العيـون مفتـوحـــة
ومش عارفين السكة منين
الطريق مشغول على طول
والنغم خطوة ع اليمين
الإيدين صــاحْـــين ..
ومش نايْمــبن
النـجــم ســاكن ..
فى ليل حزين
ولســـــه مــاشين ..
طالْعين نازْلين
والعــــزف ضـعـيـف ..
فقير مسكين
شمسنــا دهــب حقيقى
والفكر أصبح حجر عقيم
نبـكى مــانشكى ..
طيبــــين
بحرنا ماعدش كريم
الصبــر مجْــروح ..
وشبك مطروح
سحــــاب مــاشى ..
والزرع أليم
الإيدين فـاضْــين ..
ومجروحين
العـمـل مسجون ..
والرب كريم

********************************

.... الحلم الصــــاحى ....
ـــــــــــــــــــــــــ
ماشْـــــيّن ..
الإيد تحضن الإيد
والعين فرحانة
أسمـــع منّك ..
كلمة فى غنوّة ..
وضحكاية
أحضْن حبى بشدة
أرقــصْ معايا
طلعْنى فوق ف الهوا
خدنى فى قلبك
شوف النسمة ..
أد أيه سعيدة معاك
إوعى أتوه منك..
لحظــــة ..
خارج سمَاك
الدنــيّا بتضحك ..
فى ساعة هنيّة
شمس المغربــيّة ..
عاشقة لون صفاك
واقْفـــــين ..
على شط الغرام
والحلم صاحى
زارْعين ورود الحب
ماسْكين الأمانى
فرْحنا سعيد بينا
والشوق ف العلالى
سمانا بتهنّى
وأرضنا بتغنّى
الربيع جاى يجرى
وزهوره فرحانة
حبيبى هنا جنْبى
والسعد بيلالى

**********************************

...... مــــش قــــلتلك ......
ــــــــــــــــــــــــــ
مـــش قـــلتلك ..
الكـلـمـــة بتــرقـص ..
فى أغانينا
والقمـــر سهــران ..
يحضن شوق ليالينا
مـش قــــلتلك ..
الفجر عاشق خطاوينا
والنهــــار طــالع ..
يأجمل أمانينا
مـش قــــلتلك ..
زرْعنا فى أراضينا
النيل عمْــــرنا ..
مين يقدر يعــادينـا
مــش قــلتلك ..
الهوى ده بيْلاغبنا
والعيلة فرْحـــانة ..
بكل حكاوينا
مـش قـــلتلك ..
الأمل فى صحارينا
والأصل ده ساكن ..
فى حكمة أهالينا
مــش قـــلتلك ..
دى حضارة فراعينا
الهــرم والنيـل ..
وكل آثار ماضينا
مـــش قـــلتلك ..
مـصـــر الحب ..
نادت علينا
مزروع فى قلبها ..
ورود أمانينا
مــش قــــلتلك ..
بكرة سلام المدينة
الأمل ف العمل ...
والحب دوا لينا
**************************************

........ عشـانك يــامصــر .......
=================
آه يــــامصر
لو كــــل واحد يخاف عليكى
آه يــــامصر
لـو مسحنـــا دمـوع عنـيكى
فيهـــــا أيه
لو كــــل واحد يبوس إديكى
فيهــــا أيه
لمـّا يبقــا الكـــل شــاريكى
آه يــــامصر
لو عشْنا تحت تراب رجليكى
آه يــــامصر
لو عشنــا فى خير أراضيكى
فيهــــا أيه
لو زرعْنــا نخـل صحـــاريكى
فيهــــا أيه
لــو غـنـــّا الحب ليـــاليكى
دى إيـدى
بتْحارب جنـون أعــــاديكى
ده دمــّى
كتب الأمــــان حوالـيـكى
دى ريشة
بترْسم صـورة أهرامــاتك
وده قلم
بيكتـب تـــاريخ بطولاتـك
الحب ده
موجود من الجدود عشانك
الفْرح ده
جاى يجرى يتمنى وصالك
الأمن ده
مفتـــاح متعلق على بابك

**************************************

....... بين أحضـــــانك .......
فى ساعـــة حلوة هنيـــة
طايْرة فى أحضـــان الهوى
وشمس حَنونــة عصريــة
جــايـْبـــة معـــاهـــا الدوا
نسمة جيّــة تضحك لينــا
تحضن فينـــا ورد الخــدود
مـــابيـن دراعــاتـك هـنــا
حب حقيقى ملوش حدود
قرّبـْنى من قـلبك كمـــان
حسسْنى بطعْـم الحنـان
طلعْنى لفــوق ف السمـا
رجّـعْـنى لـبــر الأمــــــان
إن زاد تـيــّــارك شـويــــة
شطـك ييْقــالى الطبيـب
ضمنى جـوة نبض قـلبـك
محتاجة عطـْفك الحبيـب
حاسة إنّى فى حلم جميل
وإنك من احساسى قريب
إوعـى تصحّيــنى مـنــــه
إوعـى عن عيونى تغيــب

*******************************

... الحــلو مــــــاشى ....
ــــــــــــــــــــــــــ
الحــلو مــــــاشى ..
عــلى قـــلبى
واخــــد الكـــل ..
فى سكّتـه
الخـطـوة ريشه ..
ف الهــوا
والدنيــا عشقت ..
بصّتــه
يـــــاما حـرّك ..
قلب الحجـــر
قـلت الآه ..
لحظة ضحكته
الكــل مـــال ..
حتى الشجر
ياعينى على قصّــــته
الحــــلو مـــاشى ..
عـــلى رمشى
زارع الورد فى فستانه
الشوق عطشان ..
فى بستانى
السحر طــالل ..
من رسمته
قلتله أهلا يا غزال
اتْبسّم وقـــال ..
يا لهوتى
ياعينى على ..
غصن البال
بصّلى وقـــال ..
يادهوتى

**************************************

........ وعاشت تحلـم .........
ـــــــــــــــــــــــ
وعاشت تحلم ...
تكون شوكة فى نن طريق
تجرح قلب النهار ...
فى لحظة حياة
تضرب وتجمع كسور الحزن ...
فى كل سرور
تسقيك سم ف العسل ...
ماتلقى أى نجاة
--------------------------------
وعاشت تقطع خيوط الفجر ...
فى شوق سعيـــد
تقتـل فرحـــة أمـــل ...
بيشاور من بعيد
تمشى وتيجى رياح ...
ماشافت أى نجاح
مات جوّة نبضهــا ...
الإحساس الوحيد
--------------------------------
وعاشت تغزل حروف جامدة ...
وتضرب دفــوف
ترقص رقصـــــة غجـــر ...
تضحك شهوة جنون
تتـمـــايـل فى دلـــع ...
والشمس حالة كسوف
حيّــة أو ميــّتة ...
هيمان بيها كم زبون
------------------------------
وعاشت تحلم ..
تكون جمرة ساعة حريق
تحرق ورد الخدود ..
وتبكى ع ل اندبح
الشيطــــان عمهـــا ..
الخال فى غمها
الملح كـــان بحرها ..
قلب الموج اتْجَرح

*******************************

.......... صــــــورة ..........
----------------------------------
كنتى فرحة مافرحتهاش
وصورة مارسمتهـــاش
كنتى غنوة ماسمعتهاش
وكلمة ماكتبتهاش
.......................................
إنتى دمعــة ما حبستها
وزرعة ماحصدتها
الشمعة إللى صنعتها
ونسمة ماحضنتها
.........................................
كنتى حروف فى كلمة ألم
وعذاب فراق فى لحظة ندم
كنتى لقـــا فى ليل العدم
وشوكة كبـــيرة جوة قدم
.......................................
ليلك طــويل والنسمة جفــا
شمسك بــارْدة ليلة الدفـــا
فين أيــامك يـــانهــر الصفــا
كنت عايش على شط الوفا

**************************************

قــــالـولى انت مـــين
--------------------
قلت مواطن مصرى
طب فين الأمــــارة
قلت اســـألوا عنى
عيون الشطـــــارة
شوفوا حروف خطى
طب اكتب عبــــارة
قلت الشعر دا فنى
قالوا أيه الدليــــل
وفين الصدق والمعنى
قلت القلب الكبيـــر
وياما قلت ف المغنى
وقولى أصبح خطير
لوحــاتى مصــرية
مش محتاجة غفير
ألـوانى جنــيّة
ولحنى كان للفقير
الأصل ف التربية
قـــالوا تبقى سفير

***************************************

....... كنـت بحـلـم........
-----------------------------
كنـت بـــحلــم ..
أكون طير ف السما
أرســـم رسمتى ..
لون فــــرحتى
أسبح ف الفضا ..
وابقه أميـــر
أضحك ضحكتى ..
يادنيتى
كنـــت بحــلم ..
أكون نسمة هوا
رايحة للحبيب فى حنية
أو بسمة عيون لحظة لقاء
أودمعة مطر ف الضهرية
كنت بحلم بيوم ..
مليان حنان
أسمع زقزقة عصفور صغير
ألقى وحدتى نبض الأمان
قول ياحبيبى فين العبير
ليه شايف أمامى أسية
راح فين قـلبك ..
إللى كان كبير
كنت بحلم ..
لسه بحلم كتير
وف لحظة لقيت ..
حلمى فـقير

*****************************************

...... عشــان مصرنا ......
===============
عشان مصرنا ترجع ..
تانى حضننا
نشتغل بجد ..
ونتقن أعمالنا
نروى زرعنا ..
ونخاف على بعضنا
نحمى نهرنا ..
نحرس حدود أرضنا
لو بنحب بلدنا ..
نخاصم جهلنا
نقيد ليها ف الضلمة ..
شموع فرحنا
ننسى كلمة إشمعنا ..
ننسى الأنا
نصبر عليها ..
ونفكر بعقلنا
إن بكت مرة ..
يبكى شريان قلبنا
دى هى حتة غالية ..
جوة جسمنا
بكتب عشان الحلوة ..
ساكنة نبضنا
لو حزنت فى يوم ..
تحزن سنين عمرنا
فيها حضارة ..
تشهد على مجدنا
نيلها ماشى بيغنى ..
يــــــــاسعدنا

********************************************
...... حبيبتى يا مصر ......
ــــــــــــــــــــــــ
إن حكيت عن غرامك
قلبك طبيب مداوى
أحلى كلام سلامك
ليكى أجمل حكاوى
كل العدل فى ميزانك
أصله حكيم وكافى
المنى كله قربك
وف بعدك الموت جافى
كل الجمال فى شطك
نخيلك ف العلالى
الشجاعة فى جندك
زى رجولتهم مافى
الأمل فى ولادك
أوعى فى يوم تخافى
الخير كله فى أرضك
أمنك هو لحـــافى
أندهى على أبنك
وانا أجيلك حافى
أبوس جبين ترابك
وقلبى عنك راضى
اشكي لى كل أوجاعك
احكى ولا تبـــالى
حبنا كــــل حياتك
ياأغـــلى المعــــــانى

*****************************
.....فى حب مصر .....
ــــــــــــــــــــــ
أول مانبدى الكلام
نصلى على الهادى
منى تحية وسلام
للأم الحلوة بلادى
ياللى حققتى الأحلام
المستحيل عندك عادى
زرعتى ف العدو آلام
ف العدالة كنتى قاضى
علمتى الفن والغرام
ليكى دلتا بعد الوادى
كريمة وأهلك كرام
وخيرك على ولادى
فيكى الأزهر الإمام
بالوسطية منادى
ياللى بناتى الأهرام
فيكى حضارة أجدادى
فى حبك كتبت أقلام
إنتى حبى وفؤادى
بلدى بلد الأحلام
لقيت فيكى الأمانى
بحبك غنا الغلام
إنتى قلبى وكيانى
صنعتى الحب ف الأيام
وكنتى أهلى ودارى

*****************************************

» قصيدة--عم صابر-- خاص بالمسابقة --شعر الأستاذ:حسن توفيق عبد المطلب--المنوفية--قويسنا
» تل بركة ديوان لم ينشر بعد
» شاعر الغلابة ناصر على توفيق
» مربعات سلام مربع اول ديوان لى
» فى حب الأم والوطن . ديوان جماعى لمجموعة شعراء