قصيدة (صلوا على رسول الله) للشاعر محمد عبد العزيز عطا

صلوا على رسول الله
***********
ياللى السحاب ضلل
عليك مطرح ماكنت
تروح
والمسك سابق خطوتك
قبل ماتيجى
يفوح
وحليمة لما خدتك
ردت فيها الحياه
والروح
والكلمه منك صدق
لما اللسان
يببوح
ياصاين الامانة
اللى عندك
عمرها ماتروح
صلى عليك كل البشر
وكل من ليه
روح
صلى عليك الجماد
والهوا والميه
ويا الريح
صلى عليك الحجر
والشجر والطير مع
التسبيح
انا مسلم وذكرك يانبى
بيرح كل قلب
جريح
……………………………….
انا نفسى ازورك
يانبى وأملىّ بيك
عينى
انت حبيبى وشفيعى
وانت نور
عينى
زرعت فىّ الرضا
علمتنى
دينى
علمتنى القناعة وكلامك
بيهدينى
انا كنت عليل يانبى
ذكرك
بيشفينى
انا نفسى اكون وياك
فى جنتك وبإيدك الطاهره
تسقينى
انا لو صليت عليك
طول عمرى
ياحبيبى يا مصطفى والله
ما يكفينى
************
@الشاعر محمد عبد العزيز عطا@
15/1/2013

علية افضل الصلاة والسلام