قصيدة( دموع الحزن) للشاعر محمد عبد العزيز عطا

دمــــــوع الحـــــزن
**************
دموع الحزن
نازله تسيل
من عين
جدع مظلوم
بيبكى ياناس
على اللى راح
شهيد عايق
كدا ومعلوم
طالب جامعة
ياناس سامعة
وكان شمعة
وكله علوم
عارف ربه
بيصلى ويصوم
ماشى فى حاله
لاكان ماله
لاعنده كلام
ولابيلوم
رصاص الغدر
قام طاله
جه فى رقبته
والحلقوم
وقع عالارض
بيرفرف
وسال الدم
ونام نومه
اخر نومه
معدش يقوم
أنا بسألكوا
بس سؤال
دا يبقى شهيد
ولا انا يانا س موهوم؟
ياليل ضلمة
مفيهش نجوم
يطول الليل
على الصاحى
وعالسهران وعالمهموم
امتى يافجرنا تطلع
شعاعك ماله
كله غيوم
ياسرب حمام
بيهفهف
على بيوتنا على دروبنا
مشى من طريقنا البوم
عشان نعيش
كدا الفرحة
ومصر تلبس الطرحة
وتعلى بلدنا
ياناس وتقوم
*************
@الشاعرمحمد عطا@
1/5/2013

ياااااااااااااااارب