فن واو للشاعر محمد عبد العزيز عطا

ايوه انا عايش من غير قلب
ما انتى خلاص خاتيه وياكى
عايش ليكى وبيكى بحب
اصل انا مغرم قوى بهواكى
..........................................
@الشاعر محمد عبد العزيز عطا @

الدنيا فانية يابشر
ياظالمين الناس
الغدر مهما انتشر
العدل هو اساس
***************
@الشاعرمحمد عبد العزيز عطا@

قلبى عليكى خايف
ومين يطمنى
انا يابلدى شايف
الظلم للننى
******************
@الشاعرمحمد عبد العزيز عطا@

قلبى عليكى خايف
ومين يطمنى
انا يابلدى شايف
الظلم للننى
******************
@الشاعرمحمد عبد العزيز عطا@

لحظة حزن بتمشى بطيئة
وساعة الفرح ما بتطولشى
ياما فيه ناس أسية ورديئة
وناس ياما ماتتعوضشى
*******************
@@الشاعر محمد عبد العزيزعطا@@

أصل انا مش ابن امبارح
ولا حابك من كام يوم
أنا فكرى فيكى سارح
من يوم ماعرفت الصوم
************
@@الشاعر محمد عبد العزيز عطا@@

إزاي هنهرب م القدر
واللي إنكتب على الجبين
الدنيا فيها اللى غدر
وفيها برضه الطيبين
********************
@@@الشاعرمحمدعبد العزيز عطا@@@

ياللى بتجادل ف الكلام
والجدل عندك غية
الجدل طبع اللئام
واللى ماعنده مفهومية
**************
@الشاعرمحمدعبد العزيز عطا@
25/3/2014

الهدوم بتدارى ياما
والخلق فيها معبى
فيه ناس عاملة قياما
وناس بالخير بتدى
***********
@الشاعرمحمد عبد العزيزعطا@
3/3/2014

يامصـر عـــالـية لفـوق
و كـا يـده كل الاعادى
امتى شعبك راح يفـــوق ؟
وتـتوحد فيكى الايادى
**************
@@الشاعرمحمد عبد العزيزعطا@@

ياوطن جرحك مفتوح
والحزن واكل عضامك
صوتك واطى ومبحوح
وماحد حس بألامك
**************
@الشاعرمحمد عبد العزيزعطا@
23/1/2014

ناس وناس
********
ياشعب مطحون م الشقى
تعبان قوى شتا او صيف
فيه ناس تشتى ف الغردقه
وناس تصيف فى الملديف
...............................
وناس سكنها ف القصور
وناس بتسكن عالرصيف
وناس بتشوى فى الفطور
وناس مش لاقيه الرغيف
..............................
وناس معاها المليون
وناس ماتحكم عالجنيه
وناس بتطبخ عالكانون
وناس يجيلها السوتيه
.........................
وناس مش لاقيه العلاج
يقوم يموتها المرض
وناس على راسها الف تاج
الخدمة ليها تنفرض
........................
@الشاعرمحمد عبد العزيز عطا@

ام المؤمنين
*******
خديجة كانت غنية
بنت الحسب والمال
شخصيتها قوية
وست بنت حلال
.....................
شافت رسولنا الكريم
اخلاقه عال العال
كان فى كلامه حكيم
وقفت معاه بالمال
.........................
خلقه ياناس دا عظيم
فى دعوته شغال
اتربى رسولنا يتيم
شاف فى الحياه اهوال
.......................
خديجة ام المؤمنين
بنت الكرم والاصل
زوجة رسولنا الامين
كان ليها منه نسل
........................
خديجة حبت نبينا
امنت بدعوته على طول
ماتت فبل مايروح المدينة
الله يرحم بنت الاصول
............................
@@محمد عطا@@

نشاط جميل يا استاذ محمد
ومحاولات جيدة فى فن المربعات

انا لوعدى بوفى
ولاعمرى خليت بوعد
وكلمة منى تكفى
يارب اشوفك فى سعد
--------------

لمايطفى النور
هولع الكلوب
الكهربا دى تغور
معيشانا فى غلب
-----------
كان مولود فى الاصل يتيم
كل الدنيا كانت حباه
كان انسان طيب وكريم
كان من اصدق خلق الله
-------------------
هجرت الكل على شانك
نسيت الاهل والاحباب
رسمت ف قلبى بستانك
وبعتينى بدون اسباب
--------------
كلكم شعرا كرام
ومعلمينى الواوات
يرزقناحسن الختام
ومانقولش مره الاهات
---------------
دكتور محمد يافنان
فى الشعر انت حكاية
مليت الدنيا ورد وريحان
مرورك زود هنايا
--------------
قصر الكلام ياسادة
ان غزة مخنوقة
اشربوا قهوة سادة
على العروبة المحقوقة
----------------
اصرخ بصوت عالى
ولا ودن سمعانى
ياغزة انتى فى بالى
وانتى اللى بتعانى
-------------------
ياغزة مين اللى قال
ان احنا ناسينك
انتى فى الروح والبال
والكل حابينك
-----------------

اشلاءنا فى الجو طارت
والدم عالارض سال
والدايره علينا دارت
فى عروبتنا البخت مال
------------------
بنده عليك ياشهيد
وانا كلى بيك عزة
انت للعرب كدا سيد
انا جاى لك ياغزة
--------------
مين دمه من دمى
وبحبه وحنانه
شال لى ياناس همى
وزعلى على شانه
الا انتى يا امى
----------------
الشهدا والله كتير
مش فارقةويانا
والرب ف التدبير
وقدرته معانا
-------------------
العرب نايمين
والنومه طالت عليهم
يمكن عشان صايمين
عايزين اللى ياخد بإديهم
---------------
عبدوا المناصب
وربوا منها كروش
والمعتدى الغاصب
عاشم وميهموش
----------------

يامجدى يا ابو الكرم
والاصل والمعرفه
عايز ابنى لك هرم
كلامك فيه الشفا
--------------
بالالم حاسين
واتكلمنا ياما
بنحكى مش ساكتين
بس العرب نياما
--------------
دنيا كدا زى المرجيحة
حبة تحت وحبة فوق
حتى الناس معتش مريحة
يارب نتوحد ونفوق
-------------
وواتنا سهلة وواضحة
فيها معانى جميلة
وفيها معانى فاضحة
اكفينا شر الرذيلة
---------------
أنا لسه بحلم بالوطن
يكون أمان ويكون شريف
عايزين نشيل منه العفن
نقف كمان مع الضعيف
---------------
الندل مالهش غالى
يبيعك بارخص تمن
اما الاصيل العالى
يقف معاك فى المحن

لو مدحت الاصيل
يخجل ووشه يحمر
ولو مدحت العويل
يتمرد عليك يتغر
---------------
الندل جمع فلوسه
بالسرقة والنفاق
بس الاصيل بيدوسه
بالعفة والاخلاق
------------------
إمسحوا الدم اللى سايل ع الحيطان

واغسلوا ايدين الغدر المسترجلة

وادفنوا الحلم اللى عايش من زمان

ياناس بلدنا مش مستحملة
--------------------
الحكاية باختصار
انا واوى بتحبكم
انتوا فى عينى النهار
وقلبى بيضمكم
-------------------
يابلدى فيكى الخير
لكن للاسف منهوب
سرقوكى حتى الطير
مكسور الجناح مغلوب
----------------
انا واوى كله غناوى
تكتب لكم مواويل
فيها كمان حكاوى
تسهر معاها الليل
------------
اعمل خير كل الاوقات
مش بس ياخويا ف رمضان
رمضان شهر وعدى وفات
خليك طول عمرك انسان
------------------
وشك يابلدى اتغير
فيكى ياما غاشينك
بقيت انا متحير
مع انى من طينك
................
دوستى على الغلبان
اللى اتعجن بترابك
ونسيتى الشقيان
مع ان دول احبابك
..................
حبة عرق منى
والدم كان سايل
ياعينى والننى
ليه بختنا مايل
.......................
متعشمين ف الله
مالينا غيره سند
منقولش مره الاه
يصلح حال البلد
................
محمد عطا
--------------

دنيا وفيها العجايب
تلعب بقلب الصغير
وبرضه بقلب المشايب
وانا فيها ياناس متحير
-----------------
الدم سايل فى غزة
مالى ياناس الشوارع
ف العرب ماتت العزة
واكلين كرشة وكوارع
-----------------
انت يامجدى حبيب
فى القلب عايش وساكن
ياريت عنى ماتغيب
بتسيب فى قلبى اماكن
----------------
عاطف ياسليمان
ياللى كلك تواضع
ياشاعر وفنان
ومن فنون الشعر راضع
-------------------
يانعمان الهوى
قلبى ف هواك دايب
وان كان قلبى غوى
لانك م الحبايب
---------------
السيد الجهينى
شاعر مالكش مثيل
بإيدك اسقينى
م الشعر ياعنتيل
--------------
حازم اليمنى
معانا احنا خوات
شرفتنى فى زمنى
شاعر ولك روعات
----------------
حمادة صلاح
شاعر جميل
كله فلاح
وكمان اصيل
-------------
عبد اللطيف مبارك
انسان اصيل فنان
الشعر دا كارك
والكلمة منك جنان
-------------
ابو بكر عامر
شاعر اصيل فنان
تقرب لمجدى عامر
ولاتشابه صفات الانسان
------------------
عبد العزيز عطيه
شاعر وكلامه مراهم
وجوده سعادة ليه
اغلى من كل الدراهم
----------------
امينة المغربى
فى الشعر اصل ومعنى
انا ليه مذهبى
عنها مااستغنى
--------------
محمد فتحى السيد
ريس شعراء العامية
اشوفه سعيد ويعيد
ويعمل جريدة مصرية
-------------
محمود وحيد
صابر على الاوجاع
بيخلينى سعيد
بيروح منى الصداع
----------------
رفعت ابو العلا
فنان كمان موهوب
ربى يزيده عُلا
لان شعره مرغوب
--------------
ياللى انت عايز تصاحب
صاحب التلاوى
انسان اصيل يتصاحب
وفنان للشعر غاوى
---------------
خالد عز الدين
اصيل وبلدياتى
عارف اصول الدين
احب اشوفه يوماتى
--------------
قلب امى كان كبير
كان يسعنا كلنا
كانت وبدون تفكير
تقول يفرجها ربنا
-------------
لما الحقايق تظهر
تهدى الجراح وتقل
ولما الالام تكبر
تسيب مرار وذل
---------------
محمد عطا

قرش الحلال يكفينى
وإيدى تبقى شريفة
بكرة التراب يتاوينى
يانفسى كونى عفيفة
@@محمد عبد العزيز عطا@@

أنا شكوتى لله
ماشكيش لبنى ادمين
ولما أقول الاه
لله يامحسنين
************
@محمد عبد العزيز عطا@

ياعظيمة ياليلة القدر
ليكى سورة فى القرأن
أمان وسلام حتى الفجر
والبركة فيكى من الرحمن
*************
@@محمد عبد العزيز عطا@@

رمضان ياشهر الخير
ما اعظمك من شهر
فيك سعد للفقير
يا افضل شهور الدهر
***************
@محمد عبد العزيز عطا@

لقمة الاصيل
تبر
لقمة العويل
تضر
*******
@محمد عبد العزيز عطا@

» فن واو للشاعر محمد عبد العزيز عطا
» (ياعمرى )للشاعر محمد عبد العزيز عطا
» قصيدة (فيكى ايه) للشاعر محمد عبد العزيز عطا
» فن واو*(ناس وناس) للشاعر محمد عبد العزيز عطا
» بحبك للشاعر محمد عبد العزيز عطا