مربعات فن الواو . الشاعر محمد فتحى السيد

مربعات فن الواو
الشاعر محمد فتحى السيد
رئيس رابطة شعراء العامية المصرية
جميع الحقوق محفوظة للمؤلف
__________________
------ 1 -------
الواو جميل القول
معنى وصوره وجناس
وكل مره اقول
تلقا كتير جه نااس
------ 2 -------
الواو صعيدى الأصول
فى بحرى طالع طارحه
تلقاه ف حروفى يصول
واجمل مربع طارحه
------ 3 -------
الواو بنبدع فى قوله
الكل يفهم معانا
الواعى يفهم أصوله
والأمى عمره ماعانا
------- 4 -------
الواو حلاوته ف ايجازه
فى الفن سموه مربع
ابن عروس دا انجازه
فى القلب قاعد مربع
------- 5 ------
الواو دا لون انا دارسه
خبره فى فتحه وقفله
ارابيسكى عامله ف مدارسه
من سحر قولى تقف له
-------- 6 --------
انا واوى تشفى العليل
وتطيب حشاه ومشاعره
ويقولوا فيه مواويل
ويتوهوا فى حسن شعره
------- 7 --------
انا واوى تسحر عقول
محكم كلامه وجناسه
يعجب ملوك القول
ويطيب لأهله وناسه
------- 8 -------
واواتى سهله كتير
معانيها اخر جمال
م القلب طالعه كطير
واغلبها شعر ارتجال
------- 9 --------
الشعر مليان بحور
كل المراكب تجينا
واللى فى بحره يدور
يلقى حدانا المينا
-------- 10 ---------
يــ اللى عشقت الواوات
إملا بكلامى عينك
دى دروس على محاضرات
بفضل ربك تعينك
-------- 11 ---------
يا شعرا تعالوا حاولوا
و الواو إمشوا ف طريقه
دا ورد والنحل حوله
لازم يمص ف رحيقه
------- 12 --------
الواو أصيل بالوراثه
واعـر كلامه وسليم
واللى مجمع تراثه
عبد الستار سليم
-------- 13 ---------
الواو دا منجم معانى
واصحابه أهل الكياسه
منه الحكم والأغانى
فيه الغزل والسياسه
-------- 14 ---------
الواو حلو ف إيقاعه
وجماله ياما غوانى
والحر صعب إيقاعه
لا بمال ولا بالغوانى
-------- 15 ---------
لملم ياحلو كلامك
وتعالى عندى وربع
يمكن تلاقى علامك
يساوى عندى مربع
--------------------
الشاعر محمد فتحى السيد

واوات رومانسية
---------------
------- 1 -------
يانور البدر فى بعادك
حنان الدنيا مايكفى
لحظه فى شوقى لميعادك
وضمة كفك لكفى
------- 2 --------
قلبى طارح غناوى
من بعد رمشك ما صاده
بدرت فيه التقاوى
وانت اللى تجنى حصاده
------- 3 --------
من شعرك لما لكعابك
كلك حلاوه ومشاعر
ولا حد فى الدنيا عابك
والكلمه منك بشاعر
-----------------
الشاعر محمد فتحى السيد
جميع الحقوق محفوظة للمؤلف
------

------- 1 --------
بكتب كلام بالأدب
بالشعر انا راكب
جوه بحور الأدب
أبدر حروفى مراكب
------- 2 -------
ياصاحبى بيع من باع
ولا تراعـيـله بعين
واللى يقرب باع
قرب له انت باعين
------- 3 -------
الناس م الهم ماتخلاش
وساعات فرحها قليله
والندل ع الحر مايعلاش
لو حتى شيخ لقبيله
------ 4 -------
الحر متربى زين
فى الحق دايما يصول
راجل وعقله رزين
ولا يوم يخطى الأصول
------ 5 -------
للحر أفعال جريئه
وقلبه طيب وصافى
والندل يخفى الحقيقه
ما تشيل وساخته مصافى
----- 6 ------
الحر يعمل جمايل
مايهمه مال ومناصب
والندل فعله جا مايل
ع الخلق كادب وناصب
----- 7 ------
الحر فعله يشـرّف
ويفـرّح أمه وأبوه
والندل للحق حـرّف
ولعـنـوا اللى جابوه
------ 8 ------
راعى ضميرك تعدى
م الصعب دايما تفوت
وكفايه ظلم وتعدى
الدنيا اخرتها موت
------- 9 ------
الحقد مالى القلوب
والظلم فى الدنيا يا ما
ناس لا هاممها ذنوب
ولا فاكره يوم القيامه
------ 10 -------
الحزن والفرح فانى
وما فيش حال بيدوم
راضى بنصيبى وكفانى
سترانى لسه الهدوم
---------------
الشاعر محمد فتحى السيد
جميع الحقوق محفوظة للمؤلف

القطر واقف ليه ؟
يستنى فى مقابل
وحبيبتى بنت الايه
تستنى فى مقابل

نار فى القلب مع شوقى
وكتير رسايل كتبنا
واقول عاشقك يا معشوقى
إمته ها نكتب كتابنا ؟
--------------
معاك تكمل حياتى
م أنت فى الدنيا نصى
وانت النغم ف واواتى
واجمل حروف نصى
--------------
العيل يعجب ويصاحب
وبيهرب والبنت تبوز
والراجل أخ و 100 صاحب
عشان بيحب ويتجوز
--------------
الجواز ستره لبناتنا
الجواز دا نص دينا
والنسب يربط بينتنا
فى قربنا مين راح يدينا ؟؟؟
-------------
الجواز جنة حياتك
لو تكون حلوه طباعها
و ام تانيه تكون حماتك
وانت ابن تكون تابعها
-------------

انا بشعرى معدى
فارد حروفى جسور
ما اقبلش أى تعدى
ع الظلم لازم أثور

ركز فى قولك زياده
يطلع كلامك عاجبنى
ويضيف لعمرك زياده
لأحفاد ولادك وابنى

امحي الألم والجراح
وارمي الدوا والـلبوس
فى حضني نام وارتاح
اشكى هطبطب وابوس

باب العرب مفتوح
والقلب فيه غزه
تيجى اسرائيل وتروح
وتغز كام غزه ؟؟؟

شايف الحياه متاهات
وبيوت مافيها حبوب
والكل بيقول هات
يصرخ فراغ الجيوب

صعيدى وبحيرى مصرى
والشعر يابا مواهب
تاريخك تاريخه اثرى
والمولى هو اللي واهب

الإعلام
----- 1 ----------
إعلامنا ليه ضيعنا ؟
والعمر عدى وفات
عميان عن إبداعنا
شايف قوى التفاهات
----- 2 ---------
إعلام بيعمل مصالح
تخدم نفسه وذاته
وقليل منه اللى صالح
وتلاقى ثمره ف ميزاته
--------------
الشاعر محمد فتحى السيد
جميع الحقوق محفوظة للمؤلف

ياقـلبي إنـسـاهـا بـالمـره
مـادام دايـمـا مـعــانــدانـا
أمـامـك حـور كـتـيـر مـاره
هـتــتــجــاوب مـع نــدانـا
-------------------------
الشاعـر محمد فـتحى السيد

بـوصـف في حـبــك بـخـطي
خـلـصت ولا مـيـيـيـت دوايه
عـلى جـرحي دايـس بـخـطي
و بــقــول وصــــا لـك دوايـا
--------------------------
--- الشاعـر محمد فتحى السيد

إيداعات رائعة حقا

» مربعات فن الواو . للشاعر محمد فتحى السيد
» مربعات مصورة . الشاعر محمد فتحى السيد
» مربعات الأرابيسك ( فاسده ) الشاعر محمد فتحى السيد
» أهداء من الشاعر محمد سعيد للشاعر محمد فتحى السيد
» . الشاعر محمد فتحى السيد . حالكوا من حالى .مربعات أرابيسك