رمضان فراج ( إخص عليك )

اخص عليك
وع اللي جابوك
ليه ياولدي
تعذب أبوك
كبرت وسفرت
ولا اتعلمتش
في الغربه الشوق
سؤال الناس
كيف صحتي
وعامل ايه
في وحدتي
ولا فيش اخبار
عن ولدك مبروك
اوعاك يا ولدي
تكون خجلان مني
أو مستعار
من شيبت أبوك
وأنا بتباهى بيك
لما بحكي عليك
برفع راسي لفوق
قولي وطمني
الناس اللي كانت
وخداك مني
وشغلاك عني
ليه النهاردة سابوك
اخص عليك
وع اللي جابوك
سنين وأيام
وأنا عايش
زاي الايتام
بستناك
في كل منام
ولو شوفتك
في الاحلام
يمكن ساعتها
اهدى شوي وأروق
ولا جوابات
ولا سلامات
وأغلى ما ليا
في بعدك مات
وأخرهم
أمك نعمات
من بعد ما فقدت
في الحرب اخوك
وكان نفسهم
قوي قوي
يشوفوك
وحملوني أمانه
لو شوفتك
قبل ما أموت
أخبرك
إنهم سامحوك
ولو لساك ياولدي
زعلان مني
أنا لك محقوق
الشاعر / رمضان فراج

» الله عليك يا مصر
» الله عليك يا مصر
» مصعبتش عليك
» الله عليك يامصر
» صرخة نيل للشاعر/ محمد رمضان